Falli i dorës

Leximi i dorës



Si mund ta pershkruajme leximin e dores...

Sic mund te lexohet nje liber duke shpjeguar karakteret e alfabetit per te kuptuar informacionin e saj, keshtu duke lexuar doren interpretohen shenjat, i prezanton, per te njohur aspektet e jetes se nje njeriu, te cilit i perket dora.

Procesi nuk eshte po kaq i lehte sa leximi i nje libri, per kete aresye mund te themi se leximi i dores eshte nje art.

Ndersa leximi i dores eshte nje shprehje e pergjithshme, kirologjia e kiromancia jane shprehje me specifike.

Kirologjia, ka ardhur nga greqishtja, nga fjala kheir - dore dhe logos - studim, eshte studimi i dores per te njohur karakterin, zakonet dhe gadishmerine.

Kiromancia, ka ardhur nga greqishtja gjithashtu, nga fjala kheir - dore dhe manteia – hyjnore, eshte studimi i dores per te nxjerre te dhena per te ardhmen.

Kirologjia nuk pretendon si Kiromancia per te njohur te ardhmen, por per te njohur ne menyre unike dhe me te thelle disa aspekte te karakterit.

Kirologjia studion doren ne te njejten menyre si grafologjia studion shkrimin, nuk ka asgje okultike ose ezoterike, leximi i dores bazohet totlisht mbi nje vezhgim te hollesishem.

Ne sektorin e kirologjise, pervec linjave studiohet edhe forma e dores, permasat e pellembes dhe te gishtave, ajo qe quhet chirognomia.

Nje aspekt tjeter studiohet me thellesisht: vezhgohet vazhdimesia e dermatoglif (vijezimit mbi lekuren e dores), si dhe majat e gishterinjve qe ne gjuhen shkencore quhen shenjat e gishterinjve.

Si perfundim eshte e rendesishme edhe studimi i thonjve, e cila quhet edhe onicologjia.

Falli i dorës (Pikepamje evangjeliste)

Në këtë kapitull do të merremi me kiromancinë, domethënë të parët e fatit nëpërmjet dorës. Nuk do të merremi me interpretimin shkencor të formës dhe linjave të dorës të quajtur kirologji, as me grafologji, domethënë me interpretimin e shkrimit.

Kiromancia, falli i dorës, ndeshet që në Romën e Lashtë. Edhe vetë fillimet e astrologjisë lidhen me pëllëmbën e dorës. Përveç katër linjave të njohura të dorës, linja e zemrës, e mendjes, e jetës, e fatit, pëllëmba ndahej në shtatë zona planetare. Duke filluar nga gishti i tregues deri tek i vogli, gjenden zonat e Merkurit, Apollonit, Saturnit dhe Jupiterit.

Dot të shikojmë shembuj që dalin nga praktika e ndihmës dhe këshillimit pastoral. Më sipër përmendëm se kiromancia, kirologjia dhe grafologjia do të analizohen si pika të veçanta, po në praktikë të treja këto ngatërrohen me njëra-tjetrën. Këtë na e tregon edhe shembulli i mëposhtëm:

Shemb.13 Një vajzë e re vajti tek një grafolog i cili i interpretoi shkrimin dhe linjat e dorës. Në parashikimin e shkruar të fatit që i bëri grafologu thuhej se në moshën 30 vjeç do ta vrisnin. Vajza vajti në shtëpi dhe u tha njerëzve të saj të afërm: "Meqë do të vdes kaq e re, dua ta shijoj jetën deri në fund". Filloi të bëjë një jetë të pamoralshme dhe bëri disa dështime.

Si pasojë e kësaj jete të çthurur, në moshën 24 vjeç u sëmur rëndë dhe vdiq nga një kolit ulçeroz. Doktori tha se e kishte shkatërruar veten me jetën që kishte bërë. Duhet thënë gjithashtu se pas seancës me grafologun, vajza kishte filluar të shfaqte aftësi si medium dhe përdorte një pendul e një shkop për të parashikuar të ardhmen.

Shembulli tregon së pari se ky grafolog kishte përdorur metoda okulte. Në fakt ai e shfrytëzonte grafologjinë për të parashikuar të ardhmen. Në këtë rast shikojmë edhe një fenomen të njohur në parashikimin e fatit, sugjestionimin. Ka shumë raste në të cilat personi të cilit i është parashikuar e ardhmja, e realizon vetë plotësimin e parashikimit që i është bërë, në mënyrë koshiente ose jo koshiente.

Këtu kemi edhe një përsëritje të atyre që thamë për proceset psikologjike në fallin me letra. Nga praktika e ndihmës dhe këshillimit pastoral mund të themi se shumë shpesh të parët e fatit i shtyn njerëzit të hedhin poshtë çdo përmbajtje morale. Edukata kristiane, tradita, zakonet, kanë ngritur rreth nesh një mur mbrojtës dhe, edhe personat që janë larg Krishtit, jetojnë në mënyre subkoshiente sipas vlerave kristiane të jetës, edhe pse shpesh kanë një revoltë të brendshme kundër këtyre vlerave. Kur njeriu fillon të merret me forca okulte, këto mure bien.

Në jetën e tij fillojnë të vërshojnë ujra të zeza e të turbullta. Në shembullin që përmendem, sensualiteti dominoi tek vajza dhe e shkatërroi. Okultizmi nxit pasione tek njeriu duke e bërë atë të varur prej tyre. Një person që ka kërkuar ndihmë në një fushë okulte acarohet nga nervat, jepet pas alkoolit, cigares dhe në përgjithësi i dorëzohet një jete të çthurur.

Pasojat e sugjestionimit në hedhjen e fallit i shikojmë edhe në shembujt e mëposhtëm.

Shemb 14. Një grua kërkoi që t'i shihnin fatin nëpërmjet dorës. Fallxhori i tha se do të vdiste në moshën 40 vjeç nga kanceri. Kjo grua jeton që prej kësaj dite nën peshën e këtij sugjestionimi dhe pret vazhdimisht që të shfaqen simptomat e semundjes. Gjatë kësaj kohe ka humbur edhe shumë në peshë.

Shemb 15. Kushërira e një shokut tim të klasës punonte si shërbyese në një vilë. Një ditë prej ditësh shfaqet në derë një cigane që shiste artikuj shtëpijakë. Vajza nuk deshi të blente se malli ishte i shtrenjtë. Në këto e sipër cigania i rrëmbeu dorën dhe zuri t'i tregonte fatin. Vajza donte të tërhiqte dorën, po gruaja përdori me marifet një dinakëri. "Oh, interesant", tha ajo, "për dy vjet do të martoheni".

Cila është ajo vajzë që refuzon të dëgjojë kur është fjala për martesën e saj të ardhme? Kështu që vajza ia la dorën ciganes. Gruaja vazhdoi: "Do të kesh shumë kërkesa, do të martohesh me më të gjatin. Vitin e parë do të të lindë një fëmijë. Po shikoj se këtu linja ndërpritet...do të vdesësh në lindje".

Përpara se të vazhdoj më tej, desha të them njady gjëra për natyrën e këtij lloj falli. Nuk duhen shumë aftësi profetike për të arritur në konkluzionin se një vajzë e re dhe e bukur do të martohet së shpejti. Po ashtu nuk është nevoja të jesh profet që të parashikosh se do t'i lindë një fëmijë në vitin e parë të martesës.Vdekja në fund të parashikimit ishte një lloj hakmarrjeje nga ana e ciganes, meqë vajza ia kishte refuzuar mallin. Po a u realizuan parashikimet e ciganes?

Në dy vjetët që pasuan vajzës iu paraqitën shumë kandidatë. Vajza ishte nën sugjestionimin e fallit dhe kështu dha aprovimin për kanditatin më të gjatë. Gjatë vitit të parë të martesës mbeti shtatzënë. Gjatë kohës që do të afronte lindja, filloi të ketë gjithnjë e më tepër ankth. Përpiqej të luftonte kundër këtij parashikimi të keq. Të afërmit, dhe i shoqi në veçanti, përpiqeshin ta bindnin të mos i besonte asaj kotësie që i kishin thënë, po pa dobi.

Vajza nuk kishte forcën e duhur që t'i kundërvihej supersticionit. Pati një lindje normale, po pas ca ditësh pati temperaturë. Doktori nuk gjente dot ndonjë shkak objektiv. Tre javë pas lindjes gruaja humbi gjykimin, e shtruan në një psikiatri ku edhe vdiq tre ditë më pas.

Vetëm njerëz që nuk e njohin psikologjinë e parashikimit të fatit mund ta quajnë këtë rast një parashikim të suksesshëm. Shumë më tepër se një parashikim, ky rast është një sugjestionim.

Nga misionarët e ndryshëm kemi dëgjuar se popullsia pagane vendase është tërësisht nën sugjestionimin e mjekëve dhe magjistarëve vendas. Në rast se magjistari i një fisi predikon vdekjen e dikujt, shpejt do të ndodhë vdekja. Kjo përbën fenomenin psikologjik të thanatomanisë, dëshirës për të vdekur.

Vdekja me sugjestionim nuk gjendet vetem tek popujt primitivë po edhe midis Europianëve të civilizuar. Në këtë pikë amerikanët kanë bërë eksperimente me të burgosur që kanë dhënë rezultate pozitive. Një personi të dënuar me vdekje i mbyllën sytë. Pastaj i thanë se do të ekzekutohej duke i prerë arterien kryesore të qafës dhe për afro një minutë do t'i vinte vdekja.

Pastaj i gërvishtën pak lëkurën e qafës dhe paralelisht hapën një rubinet aty afër. I burgosuri ndjeu gërvishtjen dhe dëgjoi ujin që rridhte. Pas një minute humbi ndjenjat. Eksperimenti doli me sukses.

Lidhur me përmbajtjen e parashikimit të fatit dhe format e profecisë, profesori Zuker në librin e tij "Psikologjia e supersticionit" dallon midis supersticionit magjik, supersticionit mistik dhe së treti parandjenjës. Supersticioni magjik është aktiv dhe vë në veprim fuqi sugjestive dhe magjike. Ai interferon në mënyrë vendimatare dhe formuese në jetën e atyre që lidhen me këto sfera.

Të gjithë shembujt që kemi parë deri tani bien pothuaj në këtë kategori. Supersticioni mistik ka natyrë intuitive dhe adaptuese. Mbështetet mbi thellësi të brendshme, meditim dhe sensibilitet. Ka të bjë me aftësi të tilla si unifikimi, perceptimi, përshtatja dhe asimilimi. Pas principit të supersticionit magjik fshihet egoja që kërkon të sundojë botën, ndërsa në rastin e supersticionit mistik mendohet se egoja shkrihet me botën e tërë.

Ndryshimi kryesor midis këtyre të dyve thuhet se është në mënyrën e perceptimit. Mendohet se parashikimi mund të shpjegohet në dy mënyra. Ose personi e mban të ardhmen e vet në vetvete që në embrion dhe pastaj informacioni për të ardhmen e tij merret duke marrë si burim vetë personin, ose gjithë historia dhe fati i racës njerëzore mbarten në një formë ndërgjegjeje të përbotshme.

Ky është opinioni i profesor Osty E. von Hartman dhe profesor Drishit. Mediumi prezupozohet se kas aftësi të kapë këtë ndërgjegje të përbotshme. Të dy këto pikpamje mbështeten mbi determinizmin dhe predestinacionin. Sipas Biblës, asnjë prej këtyre metodave të parashikimit të fatit nuk është e pranueshme.

Në formën e tretë të parashikimit të fatit, parandjenjën, përfshihen paralajmërimi subkoshient, ëndërrat, eksperienca e të shtuquajturit second sight, klervuajanca dhe gjithë efektet e aftësive të mediumit. Një shëmbull i mirë për këtë pikë gjendet në librin "Seelsorge und Okkultismus". Nuk po e permend përsëri duke dashur të evitoj përsëritje në të dy botimet.

Po sado interesante që të jenë dallimet shkencore që po shikojmë, nevojat që lindin në ndihmën dhe këshillimin pastoral janë shumë më të rëndësishme.Duhet të mësojmë si të ndihmojmë njerëzit me shqetësime emocionale dhe mendore, të cilët megjithatë, me simptomat e tyre nuk hyjnë në modelet e njohura të semundjeve psikiatrike. Po vazhdoj me dy shembuj të tjerë.

Shemb 16. Një grua hidhte falle dhe nuk pranonte asgjë që kishte të bënte me ekzistencën e Perëndisë. Një ditë i prezantuan një vajzë besimtare kristiane. Kur vajza dëgjoi për aktivitetin me të cilin merrej gruaja, si për t'u zbavitur, i zgjati dorën. Mendonte se s'kishte asgjë për të parë në të. Gruaja i lexoi pëllëmbën. Vajza qeshte dhe nuk u përmbajt së bëri edhe disa komente për të qeshur.

Po pas kësaj vajza, që ishte besimtare, kaloi në depresione dhe humbi edhe besimin. Fëmijët e fallxhores paraqisnin edhe ata disa karakteristika tipike. Ishin nevrastenikë, bënin jetë të pamoralshme. Siç e thashë edhe më lart, ndeshemi këtu me pasoja tipike: depresion dhe shkelje të principeve morale.

Shemb 17.Një burrë merrej shumë vjet me radhë me fallin e dorës.Përveç kësaj bënte edhe terapi me hipnozë. Në rrjedhën e viteve kishte ndjerë edhe vetë pasojat shkatërruese të aktivitetit të tij të dyshimtë. Pas disa kohësh, ai ndjeu dëshirën t'i besojë Krishtit dhe për shumë muaj u përpoq ta detyronte veten të lexonte në Bibël, ndonse ndjente një rezistencë të brendshme. Sa herë vihej përballë punëve të Perëndisë, ndjente një presion të çuditshëm vetëmbrojtës në vetvete.

Ky shembull na tregon edhe një aspekt tjetër. Parashikimi i fatit zhvillon kundërshtim dhe një vetëmbrojtje të brendshme ndaj çdo gjëje që ka të bëjë me Perëndinë dhe Frymën e tij. Nëse dikush që është marrë me parashikimin e fatit kërkon të vijë tek Krishti, ka një rrugë të vështirë përpara. Shfaqen forca të egra e të mbrapshta që përpiqen ta pengojnë të marrë vendimin për të shkuar tek Krishti. Personi që është infektuar dhe "imunizuar" duke u marrë me parashikime të fatit, bëhet pothuaj i pandjeshëm për Frymën e Shenjtë.

LEXIMI I VIJAVE TE DORES



Si të lexojmë vijat e dorës. Një udhërrëfyes praktik nga profesionistë të fushës.

“Leximi” i tre vijave kryesore të dorës dhe lidhja e tyre simbolike me mënyrën tonë të jetesës

E dinit që sa herë jemi të zemëruara ose të shqetësuar, duart skuqen, ndërsa kur jemi të trishtuar ato zverdhen? Ndoshta jo. Për shumë nga ne duart janë thjesht “mjete pune”, për të tjerë, jo. Denis Fairchild, një astrolog profesionist, di se çfarë të na thotë për pëllëmbën e dorës.

Duar me shumë pak vija? Flasin më shumë për një shpirt fizik, praktik dhe të organizuar, ju që e keni këtë veçori ju pëlqen ushqimi i mirë dhe kënaqësitë seksuale. Kur në dorën tuaj gjenden vija të holla dhe të bukura, tregon se jeni të mençur dhe krijues. Nuk jeni shumë të aftë të ruani sekrete dhe reagoni menjëherë ndaj zhgënjimeve. Gjithsesi, shumë vija të bukura, tregojnë nervozizëm dhe energji të shpërndarë.

Vija të thella, të gjera dhe të gdhendura mirë? Tregojnë se keni ndjenja të forta dhe e keni të qartë se çfarë ju pëlqen dhe çfarë jo. Jeni të duruar dhe të përpiktë. Nuk ëndërroni si nëpër libra dhe dini të përballeni me situatat. Ju prisni që të dashurit dhe familjarët tuaj të jenë të përsosur. E keni mjaft të vështirë t’i pranoni dështimet apo të metat e të tjerëve.

Vijat në dorën tuaj kanë formën e zinxhirit, të pendëve , ose janë të thyera? Kjo tregon se keni vullnet të dobët, trishtoheni shpejt, jeni paranojak dhe prireni të tërhiqeni nga bota fizike. Nuk ju pëlqen të mbeteni vetëm. Jeni i brishtë, në njëfarë mënyre si kukullat kineze. E keni të vështirë të hyni në bisedë me çdokënd ose ta kërkoni atë që ju intereson në mënyrë agresive ose të vendosur.

Duart e gjata e të holla kanë më shumë vija se ato të vogla dhe katrore.

Tri vijat kryesore quhen Vija e Jetës, Vija e Kokës dhe Vija e Zemrës

VIJA E JETËS

Vija e jetës nuk tregon sa gjatë do të jetoni, por tregon për entuziazmin dhe vullnetin për ta shijuar jetën, si dhe për përpjekjet për të arritur ato që doni.

Nëse vija e jetës është e qartë dhe e thellë, pa shkëputje, tregon se do të keni një jetë të shëndetshme dhe të mirë. Gjithashtu tregon se jeni plot energji të pashtershme, që përqafoni çdo sfidë dhe mundësi që ju paraqitet. Duke qenë se jeni shumë i/e dashur dhe e shprehni këtë, ju pëlqen gjithçka. Dalloheni për kurajën, energjinë dhe dëshirën për të jetuar.

Ndërprerje ose humbje të vijës së jetës gjatë rrugës, tregon se jeni tip që shqetësoheni shumë dhe i lejoni të tjerët të ndërhyjnë në jetën tuaj. Jeni shumë xheloz, posesiv dhe shumë emotiv. Lidhjet tuaja janë të destinuara të jenë plot dramë dhe ndryshime emocionale. Asgjë s’është e lehtë për ju.

Kur vija e jetës merr një kthesë të gjerë në dorë, tregon se jeni njeri shpirtgjerë, pozitiv dhe shumë bujar (ndonëse pak dramatik). Krijoni lidhje të mira me fëmijët dhe ju pëlqen të ndihmoni njerëzit që kanë nevojë. Për ju, të luash rolin e viktimës nuk është zgjidhja e duhur. Ju pëlqen kur ju dëgjojnë, kur ju respektojnë, kur ju duan dhe kur ju shohin si një person të fortë dhe të besueshëm. Jeni bujar me kohën dhe paratë tuaja. I gëzoni çdo ditë dhe doni të zbuloni horizonte pafund e të përqafoni ide te reja.

Nëse vija e jetës suaj fillon mjaft poshtë gishtit tregues kjo tregon se keni nevojë për njohuri. Jeni individualist dhe nuk duroni dot që dikush t’ju thotë çfarë apo si ta kryeni diçka. Keni shpirt luftarak dhe jeni energjik. E megjithatë nuk ju mungojnë problemet me disiplinën dhe përqendrimin. Ju pëlqejnë lëvdatat dhe është pothuajse e pamundur që t’i pranoni gabimet tuaja.

Kur vija e jetës mbaron pranë gishtit të madh, do të thotë se rrallëherë ngrini zërin dhe jeni pak i ndrojtur. Ndiheni më rehat kur qëndroni në një qoshe, sesa kur jeni në qendër të vëmendjes. Ju pëlqen t’i ndihmoni të tjerët dhe t’ju përgjigjeni nevojave të tyre. Zakonisht mendoni më shumë për ta sesa për veten tuaj. Ndonëse ju mungon vullneti për ta ngritur zërin për veten tuaj, e bëni shpesh këtë për të tjerët. Duke qenë se keni më shumë aftësi mendore sesa fizike, nuk jeni shumë energjikë dhe kërkoni shumë pushim kur jeni sëmurë.

VIJA E KOKËS

Ndonëse aftësitë tuaja nuk dalin shumë në pah, aftësitë tuaja mendore dhe dëshira juaj për dije shfaqet më së miri në vijën e kokës. Ajo fillon në pjesën e gishtit të madh, në zonën poshtë gishtit tregues dhe vijës së jetës dhe kalon nëpër dorë drejt gishtit të vogël.

Zakonisht, një vijë koke e shkurtër që nuk kalon përmes dorës, tregon një njeri jo largpamës, të cilit i mungon perceptimi i gjërave të reja. Jeni të fiksuar pas rregullit, jeni shumë të kujdesshëm dhe mendoni vetëm për vete. Çështjet e pushtetit dhe të kontrollit luajnë një rol të rëndësishëm në jetën tuaj. E merrni lehtë pushtetin dhe ndiheni mirë në rolin e vendimmarrësit.

Sa më e gjatë të jetë vija e kokës, aq më i madh është qëllimi i perceptimeve tuaja dhe këmbëngulja për të mësuar. Keni respekt për njohuritë, barazinë dhe të drejtat e njeriut. Si kokëfortë që jeni, nuk lodheni kurrë duke mësuar gjëra të reja. Ju pëlqen shoqëria dhe ndoshta keni dhe shumë miq. E mbivlerësoni veten. Vullneti juaj për të mësuar dhe shkathtësia e të menduarit ju çon larg. Të shkruarit, mësimdhënia, marrëdhëniet publike ose fjalimet mund të jenë profesione të mira për ju.

Kur vija e kokës është e zbehtë ose e thyer, ose ngjan me një zinxhir, do të thotë se nuk jeni tip i organizuar, keni mendime të shpërndara dhe e keni të vështirë të përqendroheni. Ju mungon organizimi dhe këmbëngulja për t’i parë projektet deri në realizimin e plotë të tyre. E megjithatë i mirëprisni idetë e reja. Këmbëngulni t’i kryeni gjërat sipas mendjes suaj. Zakonisht veçoheni nga miqtë ose kolegët tuaj.

Sa më e thellë të jetë vija e kokës, aq më shumë e shfrytëzoni mençurinë dhe aftësitë tuaja. Jeni optimist dhe idealist. Gjithmonë mendoni se gjërat do të kenë rezultat pozitiv.

Nëse vija juaj e kokës kalon poshtë pëllëmbës së dorës, do të thotë se bazoheni mbi fakte dhe jeni shumë i logjikshëm. Parapëlqeni të flisni vetëm me ata që i njihni mirë. Në përgjithësi u qëndroni besnik vendimeve tuaja, pavarësisht nga ajo që mendojnë të tjerët. Jeni praktik dhe i kujdesshëm. Motoja juaj është “Për një mendje të shëndoshë”. Jeni serioz, ndonjëherë pesimist dhe mund të bëheni shumë kritik ndaj ideve abstrakte ose revolucionare.

Kur vija juaj e kokës merr një kthesë drejt gishtit të vogël, tregon se ju e përdorni mençurinë tuaj për të fituar para. Rrallë ndodh të thoni diçka dhe më pas të pendoheni. Për ju koha është shumë e shenjtë. U përkisni atyre njerëzve që u pëlqen të veprojnë, teksa të tjerët ëndërrojnë. Kjo sjellje ju ndihmon në çdo fushë. Kur vija e kokës merr kthesë drejt kyçit të dorës, tregon se ju keni mjaft imagjinatë. Nuk keni interes për gjërat e përditshme. Mendja juaj duket se është gjithnjë e zënë me diçka tjetër. Mos i lini fantazitë tuaja t’ju përfshijnë të tërin.

Një vijë koke që kthehet e tëra drejt kyçit të dorës. Në një kthesë të fortë, është shenjë arratie dhe ose depresioni. Jeni simpatik dhe i besueshëm, por shumë dyshues ndaj historive fatkeqe. Gënjeheni lehtë. Egoja juaj nuk është e fortë, madje shpesh i ndihmoni të tjerët edhe mbi kurrizin tuaj. Tregoni kujdes të veçantë në vendimet financiare dhe ato personale. Jeni shumë idealist. Të jetoni në botën fizike dhe të përballeni me realitetet të ashpra, është mjaft e vështirë për ju.

Kur vija e kokës dhe ajo e jetës bashkohen pranë gishtit të madh, tregon se jeni njeri i kujdesshëm, i matur dhe i përqendruar. Burimi kryesor i sigurisë suaj është të jeni i lumtur dhe i plotësuar në punën tuaj. Jeni praktik dhe i parashikueshëm. Dhuntia juaj më e madhe është struktura dhe qëndrueshmëria që i siguron familjes dhe kolegëve tuaj.

Kur vija e kokës përfundon në formë piruni, që njihet ndryshe si “piruni i shkrimtarit”, tregon se keni dhunti, jeni kureshtarë dhe krijues. Sa më i gjerë të jetë piruni, aq më i përshtatshëm dhe krijues jeni. Madje keni aftësi të sillni shkëndija zgjidhjeje edhe në situatat më të ndera.

VIJA E ZEMRËS

Vija e zemrës është barometri juaj emocional dhe tregon dashurinë jo vetëm për të dashurit tuaj, por edhe për njerëzit e tjerë. Ajo fillon në zonën poshtë gishtit të vogël dhe lëviz drejt pjesës së sipërme të dorës, duke përfunduar poshtë bazës së gishtit tregues, të mesit ose të gishtit të unazës.

Nëse vija juaj e zemrës është shumë e thellë, tregon se ju vazhdimisht luani rolin e paqeruajtësit. Edhe pse nuk keni ndonjë talent të veçantë, ju pëlqejnë arti dhe format e tij. I kushtoni shumë rëndësi shtëpisë dhe familjes. Pavarësisht nëse eksperiencat me familjarët tuaj kanë qenë të mira ose jo, jeni shumë të lidhur me ta. Gjithçka që thuhet e merrni si personale dhe shumë mendime ndaj jush i interpretoni si sulme dhe kritika. Dëshira juaj është që të gjithë të mirëkuptohen.

Një vijë e zemrës e dobët dhe e zbehtë, do të thotë se ju kërkoni vëmendje të veçantë dhe ju pëlqen t´ju llastojnë. Ju drejtoheni nga zemra dhe jo nga mendimet tuaja. Të gjitha idetë dhe mendimet tuaja kanë ngjyra ndjenjash dhe lidhjesh emocionale. Nuk ju pëlqen të jeni vetëm dhe jepni më të mirën tuaj kur jeni në shoqëri. Doni që të gjitha lidhjet tuaja të shkojnë mirë, gjatë gjithë kohës së zgjatjes së tyre. Nuk e pranoni zemërimin ose zënkat.

Një hapësirë e gjerë midis vijës së zemrës dhe asaj të kokës, tregon se jeni i pavarur dhe veproni me kokën tuaj. E doni jetën, por jeni disi agresivë, madje merrni dhe iniciativa që shumë të tjerë nuk do të guxonin t´i merrnin. Nuk ju pëlqejnë njerëzit dembelë, të dobët dhe ata që të ngjiten e s´të shqiten. Sa më e gjerë të jetë kjo hapësirë, aq më e madhe është nevoja juaj për liri dhe individualitet.

Vija e zemrës quhet e gjatë kur ajo përfundon poshtë gishtit tregues. Të gjithë ju që keni këtë veçori jeni romantikë. Ju jeni njerëz që i mbroni, i mbështesni dhe që u përkushtoheni miqve dhe të dashurve tuaj. Nuk ju pëlqen vetmia. Ju i kushtoni shumë kohë ndjekjes dhe ruajtjes së miqësive të ndryshme. Keni prirje të idealizoni çdo lidhje dashurie dhe zakonisht mendoni se partneri/ja juaj është më i/e mirë nga të gjithë.

Një vijë e shkurtër zemre mbërrin deri në mes të dorës. Kjo do të thotë se askush më shumë se ju, nuk i merr seriozisht dashurinë, seksin dhe lidhjet e dashurisë. Jeni plot pasion, jeni lozonjarë, të ndjeshëm por edhe me logjikë. Nuk jeni nga ata që dashuroni verbërisht. Megjithatë kur bini në dashuri, synimi juaj është të bashkoheni përjetësisht me të dashurin tuaj.

Kur vija juaj e zemrës është në formën e një zinxhiri ose e shkëputur, tregon se jeni tip i paqëndrueshëm ose të prirë për të patur dashuri të ndryshme. Shumë nga lidhjet tuaja dallohen për ndryshimet e tyre emocionale. Ju pëlqen më shumë të keni histori kalimtare, sesa bashkime të vërteta.

Kur vija e zemrës kalon drejt, si një vizore nëpër dorë në vend që të marrë ndonjë kthesë të vogël, tregon se nuk ju intereson aspak ajo që mendojnë të tjerët për ju. Romanca për ju kalon në vend të dytë, pasi në çdo lidhje bëni pyetjen: “Çfarë fitoj unë nga kjo?”.

Për ju dashuria është si një marrëveshje e duhur biznesi. Jeni shumë sipërfaqësorë dhe i ëmbël në çështjet e dashurisë. Nëse vijën e zemrës dhe të kokës i ndan një hapësirë e gjerë, do të thotë se ju keni një dëshirë të jashtëzakonshme për të qenë i pavarur; e keni mjaft të vështirë të përkushtoheni emocionalisht. Jeni shumë individualistë, kështu nuk duroni dot që të tjerët t´ju drejtojnë. Jeni shumë i shoqërueshëm, ju pëlqen të njiheni me njerëz të rinj dhe shpreheni shumë dhe në mënyrë të drejtpërdrejtë.

Kur vija e zemrës dhe ajo e kokës bashkohen në një të vetme, që quhet vija e Simianit, do të thotë se e keni të vështirë të merrni vendime. Jeni shumë të vëmendshëm dhe keni shumë interesa, ndaj shpesh nisni të kryeni shumë gjëra njëherësh, por nuk çoni në fund asnjë prej tyre.

Gjithashtu, ndodh që të premtoni më shumë nga ç’keni mundësi të bëni. Shqetësoheni menjëherë dhe jeni shumë të ndjeshëm ndaj atyre që i shihni si armiq. Zakonisht, kaloni menjëherë në mbrojtje kur mendoni se dikush kërkon t´ju sfidojë. Kërkoni t´ju mbajnë gjithnjë me të mira. Nuk i refuzoni këshillat e miqve, të të dashurit dhe të familjarëve, që vlejnë për t´jua ngritur moralin.

TE PERSHENDES PER SHKRIMET JANE TEPER TE MIRA, POR DUA TE THEME DICKA NE SHUME SHKRIME ME DUKET SIKURE ME JEP NJE MESAZH KRISTIANIZMIN NE THELBE NUK E KUPTOJE SEPSE KETU DUHET TE JETE PAK SHKENCORE JO TE JAPIM DOMGA MBI NJE LLOJE FEJE, PO UNE SI TJA BEJE QE JAME ME ORIGJINE HEBRE TE ILLOJE DHE UNE TE JAP DOGMA TE ASAJ FEJE . TE LUTEM ESHTE MIRE SA ME SHUME REALE DHE SHKENCORE NA BEJEN MIRE DHE KURE I LEXOJME PRAPE. PERSHENDES

Plotesisht pajtohem me shkrimin, sepse sugjestioni yne eshte shume i ndiheshem dhe nderdija jone menjehere vepron tek ata njerez qe nuk jane te afte qe ta kontrollojne ate.

Ndersa sa i perket asaj qe ai personi fallxhori nuk ka mundur qe ti afrohet bibles eshte mase e vertete sepse ai eshte ndaluar nga bota e erret.

Fallxhoret nuk mund ti besosh sepse ne shume raste ata genjejne.
Ka falle mjaft te kota si ato me guaska si ato me dore etj.

i panjohuri shkruajti:Fallxhoret nuk mund ti besosh sepse ne shume raste ata genjejne.
Ka falle
mjaft te kota si ato me guaska si ato me dore etj.

Se di as une nuk i kam besuar kurre fallit. Po ja qe nje dite ne pune nje nga grate e punes me lexoi filxhanin.

A eshte rastesi apo ajo vertet dinte ta lexonte.Ajo me parashikoi qe shume shpejt ju do njiheni me nje mashkull me emrin Lu.... .

Kurse nje person i trete do ju prishe lidhjen.Ky person do jete ndeshkimi yt.Po i bie shkurt..

Po ate dite une njihem me kete person me emrin L....dhe mbas nje muaji bashkejetojme...Dhe mbas nje viti ndodhi qe personi i trete na ndau..

Ja qe me doli pike per pike qe me tha ajo.

Ka mundesi, une thjesht dhashe idene time per fallxhoret.

Paj falltor mo...
Pika e parë falli është haram.
Falltorët mashtrojnë dhe sado që na duket se "ia qëllon", prapë nuk është ashtu.

Ta marrin shikimin e filxhanit:
Kushdo që e rrotullon patjetër se do të dal diqka, do të krijohet ndonjë figurë për ta komentuar....ose nëse i hedhim kokrrat e fasulës, apo dominot, pastaj letrat, sferat e qelqit a qkado qoft - do te ketë diqka për të thënë...Kur i hedhim dominot patjetër se do të bije një numër, ose letrat - do të terhekum një letër..

Nese një vajzë e re shkon të shikojë filgjan patjer se do t'i thotë "që dikush interesohet per ju,... ju ka dal një rrugë që do ta merrni së shpejti... keni disa fjalë të kqija...ose shoqja (shoku) me të cilin shoqëroheni ju ka zili...."
Falltori e njeh psikologjinë e njeriut patjeter se dikush interesohet,,,,
kur rrotullohet filgjani mbesin vragët e tij qe i marrin si rrugë, dhe s'ka asgjë të re këtu, dinamika e jetës të bën të marresh rrugë,,,
pastaj secili njeri ka fjalë që fliten për të, nuk është e thënë të na duan të gjithë, ose ka ndonjë shoqe që në ndonjë aspekt nuk pajtohet me të...

Falltori mundohet të jetë bindës dhe njëkohësisht e përcjell edhe mimikën e personit qe shikon filgjan, zakonisht bebëzat e syve kur dëgjojmë diqka që na pëlqen - zgjerohen, ose edhe fytyra ndryshon herë pas here. Pastaj kur sheh se po ngryset fytyra e personit e ndërron qështjen, i flet për diqka tjeter...
flet në mënyrë të pergjithshme

Ashtu edhe falli i dorës, ne të gjithë kemi tri vija themelore: vijen e zemrës, të kokës dhe të jetës. Nëse vija e jetës ndërpritet diku ose është e shkurtër nuk përcakton jetëgjatësinë tonë, ose vija e zemrës është e ngatërruar apo jo e rregullt - nuk do të thotë se kemi probleme...

E realizohen ato në të cilat koncentojmë më shumë energji.
Ne jemi të prirur t'i besojmë asaj që duam dhe asaj që ia kemi frikën.

Kur thotë:" ti do të marrësh një udhetim.... do të martohesh,,,, do të kesh djalë apo vajzë...do të vdesësh së shpejti...etj." e na realizohen këto NUK DO TË THOTË SE IA KA QËLLUAR shikueai i fatit, por se ne kemi besuar atë QKA KEMI PAS FRIKË TË NDODHË OSE ATË QË KEMI DASHUR TË NA NDODHË !!!

Leximi i Pëllëmbës së dorës


Ka disa sisteme për të klasifikuar duart në mënyrë që të vlerësojmë karakterin e përgjithshëm dhe personalitetin e një personi. Sistemi tradicional njeh 7 lloje të duarve: duar thelbësore, katërore, lopatëz, filozofike, artistike, idealiste dhe të përziera.

Pëllëmba përfaqëson trupin fizik dhe forcën e jetës në përgjithësi, gishtat përfaqësojnë aftësitë mendore në përgjithësi.

Një studiues pas leximit të llojeve të ndryshme të duarve për shumë vite ka shpikur një sistem që i kategorizon duart në një mënyrë të shpejtë dhe të thjeshtë, duke përdorur klasifikimin modern në 4 lloje të dorës.
Në këtë sistem ka 4 forma kryesore pëllëmbëve: katërore, e zgjatur, trekëndësh dhe Fan-forma.

Format e pëllëmbës paraqesin motivin tonë themelor në jetën tonë. Në astrologji secila shenjë i përket një elementi të caktuar:
- Tokës: Bricjapi, Demi dhe Virgjëresha
- Ajrit: Peshorja, Ujori dhe Binjakët
- Zjarrit: Dashi, Luani dhe Shigjetari
- Ujit: Gaforrja, Akrepi dhe Peshqit

Duart Tokë: Fizike

Një pëllëmbë katrore me pak vija dhe të qarta. Personat me Duartë Tokë janë me këmbë në tokë, praktikë dhe të përgjegjshëm, por mund edhe të jenë materialist, serioz dhe kokëfortë. Ata janë të kënaqur me fizikun dhe të qartë dhe do të bëjmë gjëra të provuara dhe testuara.

Duart Ajër: Mendor

Një pëllëmbë e zgjatur me linja shumë të qarta. Personat që kanë këtë lloj të dorës janë të afërt, llafazan dhe të mprehtë, por mund edhe të jenë të cekët, të lig dhe të ftohtë. Ata janë të kënaqur me intelektin dhe jomaterialen, si dhe duke bërë gjëra në mënyra të ndryshme dhe radikale.

Duart Zjarr: Instiktiv

Një pëllëmbë trekëndëshe, me pak vija dhe delikate. Persona spontan, entuziast dhe optimist, por mund edhe të jenë egoist, impulsiv dhe të pandjeshëm. Ata janë të hapur, dhe preferojnë t'i bëjnë gjërat me guxim dhe instinktivisht.

Duart Ujë: Intuitive

Një pëllëmbë me vija të shumta dhe të qarta. Personat me duart e ujit janë krijues, të mprehtë dhe të këndshëm, por mund të jenë me humor, emocional dhe të frenuar. Ata janë të mbyllur dhe kanë tendencën për t'i bërë gjërat në mënyrë të qetë dhe intuitive.

Gjatësia e gishtave përfaqëson stilin e një personi dhe atë që ka të bëjë me jetën. Nëse gishtat janë me gjatësi më të shkurtër se sa gjatësia e pëllëmbës tregon se personi është subjektiv dhe e sheh botën nga perspektiva e tij, i pëlqen të fillojë veprimin dhe është i mirë në fillimin e çdo gjëje. Janë dinamik në paraqitje.

Gishtat më të gjatë se pëllëmba tregojnë personin që ka një pamje objektive për botën rreth veti dhe që i pëlqen të planifikojë. Gishtat e gjatë paraqesin njerëzit që janë fiks ose të qëndrueshëm në paraqitje, dhe veprojnë në një mënyrë të qëndrueshme dhe të vazhdueshme.

Gishtat me të njëjtën gjatësi sa pëllëmba shfaqin personin që është fleksibil dhe shumë i talentuar, dhe që tenton të shkojë së bashku me turmën. Njerëzit me të njëjtën gjatësi pëllëmbë-gishta janë të paqëndrueshëm ose të ndryshueshëm në paraqitje, dhe veprojnë në cikle të aktivitetit dhe të pasivitetit.

Një person mund të kenë një dorë të Tokës me gishta të shkurtër, duke treguar atë me këmbë në tokë, por me karakter dinamik, të tillë si një Bricjap që mund të ketë. Ose njeriu mund të jetë me dorën e ajrit me gishtat me të njëjtën gjatësi - që shfaq dikënd që është i mprehtë dhe llafazane, por edhe i ndryshueshëm, mund të jetë një Binjak.
//Bota e Kiromancisë//

Dora e djathë dhe dora e majtë


Dora e majtë: paraqet atë me çka jemi lindur; se çfarë ndodh me ne; anën e brendshme të vetës sonë
Dora e djathtë: Çfarë të bëjmë me jetën tonë, veprimet qe duhet marrë; anën e jashtme të vetës.

E majta (ose dora e dobët) tregon më shumë ngjarjet e kaluara, atë që trashëgojmë në aspektin e shëndetësisë, të asaj që ndodh tek ne, se çfarë veprimesh marrim dhe për atë që shkon më shumë në jetën tonë private dhe në ato fusha në të cilat ne nuk kemi shumë kontroll.

E djathta (ose dora e fortë) tregon se çfarë do të ndodhë në të ardhmen tonë nëse nuk i bëjmë ndryshimet e nevojshme, se si bota na sheh, nëse ne kemi vullnetin për të bërë ndonjë ndryshim për të mirë, dhe gjithashtu tregon për ambicjet që ne mund të kemi.

Mjaft interesante, kam lexuar edhe me pare per vijat e dores dhe pasi mesova disa gjera nisa te luaja rolin e "fallxhores" me shoqet...
Mendoj se mund te zbulohen shume me shume prej tyre...

Si te njihni partneren nga pellemba e dores

Perpara se te kerkoni doren e saj, duhet me pare ta lexoni ate.
Bazat e shkences se leximit te pellembes. Si te zbuloni nese ajo e ka mendjen te shtrati apo te librat

Nga e njihni te dashuren tuaj? Eshte veshtrimi ne syte e saj, buzeqeshja e saj joshese apo ndoshta fakti se ajo ju bleu nje birre? Le te themi te verteten: nuk duhet te shikoni pertej duarve te saj. Per qindra vjet, lexuesit e pellembes dhe disa personalitete historike nga me te njohurit, kane perdorur shkencen e leximit te dores si udhezues ne jeten e tyre.

Qofte para takimit te pare apo nje zotimi qe do te zgjase sa tere jeta, leximi i pellembes ka qene gjithmone nje burim i besueshem per njerez te te gjitha shtresave.

Kenaqesi me doren e saj

E dime te gjithe sesa i sikletshem mund te jete takimi i pare. Ku do te shkoni? Per cfare do te flisni? A do t'ju mbyllet goja? Te gjitha keto jane te rendesishme, por kohet e fundit ju duhet te thyeni akullin. Pasi i keni ofruar nje pije, pse te mos i ofroni edhe nje lexim dore falas? Ajo mund te mbetet paksa e habitur nga oferta juaj, por kjo ka per t'i pelqyer.

Tani qe ajo eshte vene ne qender te vemendjes, perveshni menget dhe futuni punes.

A eshte kembengulese ajo?

Karakteristika e pare qe duhet te ekzaminoni eshte gishti i madh. Me saktesisht, ekzaminoni dy pjeset e tij, te sipermen dhe te poshtmen, te cilat ndahen nga nje vize (aty ku perkulni gishtin). Kur vereni gishtin, mbani ne mendje se gjysma e siperme perfaqeson "deshire", ndersa ajo e poshtme "logjike".
Nese seksioni i siperm eshte me i gjate se i poshtmi, atehere keni te beni me nje grua qe ka deshire te forte. Asaj i pelqen te kete kontroll dhe te marre vete te gjitha vendimet.

Kjo mund ta beje me eksituese dhomen e gjumit, por dite pas dite mund te kthehet ne nje torture te vertete, sepse do t'ju duhet te dorezoheni me teper se c'deshironi ta beni kete.

Nga ana tjeter, nese seksioni i poshtem eshte me i gjate, keni te beni me nje person te kontrolluar nga logjika. E keqja ne nje situate te tille eshte se kesaj femre mund t'i mungoje deshira per te rrezikuar. Juve mund t'ju duket teper zbavitese dicka qe ajo e quan thjesht budallallek. Procedoni me kujdes.

Te majat e gishterinjve

Pasi keni eksploruar "deshiren" dhe "logjiken" e saj, ju duhet t'u hidhni nje sy edhe majave te gishterinjve te dores. Ka shume klasifikime te tyre, por ne do te bejme me te thjeshtin.

Nese ajo ka gishta me maje, atehere keni perballe nje enderruese. Ajo e vlereson te bukuren dhe i hedh nje hije pozitive cdo gjeje. Ajo jeton per momentin dhe ndoshta eshte duke kerkuar dike me te cilin te ndaje idealet e saj.

Nga ana tjeter, majat katrore te gishterinjve jane nje tregues i qarte prakticiteti. Mos guxoni te shoqeroni me njeri tjeter vec saj. Pasojat do te ishin fatale.

C'te keqe kane duart e buta

Karakteristika e fundit qe duhet te ekzaminoni eshte ndjesia qe ju jep dora e saj. Ne kete rast do te diskutojme per dy klasifikime: te buta dhe te ashpra. Duart e saj te buta mund t'ju krijojne nje ndjesi te kendshme, por me mire vazhdimi te lexoni me poshte. Keni te beni kryekeput me nje dashnore te artit. Ndersa juve mund t'ju shkoje mendja te ndonje darke apo te ndonje film per nje takim te persosur, ajo do te doje te shkoje ne nje muze.

Nga ana tjeter, kur zbuloni duar te ashpra, duhet te procedoni me kujdes. Keni perballe nje grua me nje personalitet intensiv. Ndonjehere ajo mund te jete pa takt, madje t'ju beje te mendoni se nuk ishte ajo zgjidhja e duhur. Ndershmeria e saj mund te jete, pas pak kohe, kokecarese.

Dhe tani ne sulm!

Tani qe i mesuat keto baza te thjeshta, verini ne prove. Mos e beni te merzitshem takimin tjeter duke folur vetem per jeten tuaj. Fokusohuni tek ajo dhe pergatiteni veten per eksperiencen me njohese.

Shume e sakt, te gjitha jane pershtate 100% me tipin tim.

Falli i dores mendoj qe eshte nje mashtrim nuk ekziston kinse parashikim me ane te shuplakes se dore, e as me ane te filxhanit te kafes.

Kujdesuni sepse keto gjera mund tju sjellin ngarkim ne koken tuaj, nese nje falltor te thote se do te te ndodh diçka e keqe.

Atehere ti do jesh ne pritje te asaj te keqeje qe do te te ngulitet ne koken tuaj.

Mos harro se truri yt eshte edhe shkaktues i ngjarjeve tua, kujto metoden e autosugjestionit, falli mund ta ngulit kete metode ne koke pastaj ndodh qe te behte e vertet ajo cfare te ka thene falltori.

Ja nje shembull te rela qe i ka ndodh nje te afermi tim:

Ishte duke levruar aren ne token e vet, ishte i martuar dhe kishte femije, papritmas i kishte ardh afer nje falltore e i kishte thene, o djalosh pa ta shikoj pak fallin qenke i ri dhe jeta eshte e gjate.

Ne fillim e kishte mohuar gjersa dikur ishte lodhur e i kishte dhene lejen t'ia lexon dore.

Burri i kishte thene oj falltore jam mbi 30 vjec dhe spo mund te gjej grua a mund te me ndihmosh e kishte genjyer.

Falltorja si zakonisht kishte filluar ato gjerat e veta, ty te kan bere magji, nen rroba ne shtepi ke gjilpera bla bla bla.... dhe derisa ti gjesh ato gjilpera kurre nuk do martohesh.

Burri kishte kap nje dru ne dore e i kishte thene ik sa nuk te kam zhdep dru, falltore e dreqit une jam i martuar dhe kam femije.

"Me e mire eshte ajo gjeja spontante qe te ndodh se ajo alarmante"

Po shumica e njerzive besojne ne filxhan te kafes ka edhe raste qe kane ndodhur.

po une nuk i kam vijat e dores sic qene te fotua ne fillim fare

Lexojeni ardhmërinë nga pëllëmba e dorës


Nëse jeni të interesuar për hiromani, ja një udhërrëfyes të vogël për leximin e vijave të pëllëmbës së dorës. Dora e majtë na flet rreth aftësive trashëguese dhe nga ajo mund të “lexohet” çfarë do të na sjellë e ardhmja. Dora e djathtë tregon atë që deri më tani kemi arritur në jetë.



Linja e jetës: Ajo fillon mes gishtit të madh dhe të atij tregues dhe vazhdon përmes kodrës së Venerës drejt nyjës së dorës. Nëse është e gjatë, e thellë dhe e butë: keni shëndet të mirë dhe ju pret pleqëri e gjatë. Ndërprerjet dhe degëzimet tregojnë sëmundje apo fatkeqësi.

Linja e kokës: E gjatë dhe e thellë: mendjemprehtë. E shkurtër dhe e thellë: mendje e njëanshme. Drejtimi që vazhdon për nga lart: i mërzitshëm dhe objektiv. Fillimi i përbashkët me linjën e jetës: mirëkuptim dhe kënaqësi me personin e gjinisë së kundërt. Linjat e vogla përmes linjës së kokës: ekspozim ndaj kokëdhembjeve.

Linja e zemrës: Nga gishti i vogël në drejtim të gishtit tregues. E gjatë, e thellë, e butë: ndjenja të vërteta dhe vetmi. Fundi i linjës së zemrës mes gishtit tregues dhe atij të mesëm: i butë dhe sakrifikues. Fundi në gishtin tregues: e etur për pushtet. Fundi pas gishtit tregues: gjithë jetën i përkushton një profesioni të vetëm. Sa më të afërta të jenë linja e zemrës me atë të kokës, koka dominon mbi ndjenjat.

Linja e fatit: Nga nyja e dorës deri tek gishti i mesëm. Të theksuara thellë: Ardhmëria e shkruar cakton rrugën e jetës. Linja e fatit fillon në mesin e pëllëmbës: sukses i vonuar. Ndërprerjet: e ardhme e kobshme. Linjat zigzag:fatkeqësi, largim nga rruga e drejtë.

Linja e artit: Nga linja e fatit deri tek gishti i vogël. Nëse aty afër mund t vërehet edhe një linjë tjetër (linja e të hollave), mund të jetojë nga talenti.

Linja e Merkurit: Në të djathtë afër linjës së artit, nën gishtin e vogël. Një linjë, e gjatë dhe e fortë: aftësi në biznes. Më shumë linja të holla: interesim në shkencë. Linja e merkurit e bashkuar me linjën e të hollave dhe artit: pasuri përmes shkencës dhe biznesit.

Linja e shëndetit: Harku nën linjën e Merkurit. Mungon te shumica. Nëse është e pranishme, tregon në probleme shëndetësore. Shpesh tregon në dhimbjen e organeve të brendshme.

Linja e fatit: Nëse të katër linjat rreth nyjës janë të qarta, do të thotë fat. Nëse janë të ndërprera, fat, por i arritur me mundim.

Linjat erotike: Linja të vogla në kodrën e Venerës. Vetëm një kodër e theksuar e Venerës tregon në ndjeshmëri dhe vitalitet. Linjat e forta, të gjata dhe paralele: ndjenja të forta në dashuri. Linja të shkurta, të dobëta: më pak ndjenja. Linja në formë rrjetë: I ekspozuar ndaj grindjeve dhe me lidhje të shkurta.

Linjat e suksesit: Linja të vogla nga linja e kokës deri tek gishti tregues: linja të vërteta: Ambiciet dërgojnë deri tek suksesi. Linja të kryqëzuara: pengesa në rrugë deri tek suksesi.

Rrethi i Venerës: Harku në mesin e gishtit të mesëm dhe të vogël. Rrethi i mbyllur: Dëshpërim në dashuri. Rrethi gjysmë i hapur: Dëshpërimi do të mposhtet. Më shumë rrathë: ndjeshmëri e madhe që ju vështirëson jetën.

Linja e kontaktit: Linjat përfundi gishtit të vogël. Nëse shkojnë më lartë: lidhja të lumtura. Poshtë: lidhje të palumtura. Linja të ndërprera: lidhje plot me grindje.

Gishti i Marsit: Nëse pjesa e sipërme është e madhe: njeri me vullnet. Nëse pjesa e poshtme është më e madhe: më shumë logjikë se mirëkuptim.

Gishti i Jupiterit: Sa më i theksuar që të jetë gishti tregues, aq më e madhe është dëshira për pushtet. Nëse relativisht është i shkurtër: Prirje për nënshtrim dhe dorëzim.

Gishti i Saturnit: Theksimi i tij tregon kujdes ndaj vendbanimit.

Gishti i Apolonit apo i diellit: Gishti i vogël tregon emocionet: Nëse është i gjatë, i ekspozuar ndaj shtirjes dhe po ashtu me një temperament artistik.

Gishti i Merkurit: Tregon talente të shumta. I shoqërueshëm është ai që gishti i vogël i arrin deri tek pjesa e gishtit të madh.

mua mu duken interesante te gjitha keto gjera por kam nje pyetje per ju qe ta zgjedhesh nje vajz per te kaluar jeten cilel pjes te dores te shikoj flm te gjithe