NEWS - UFO

First topic message reminder :

NEWS - UFO



Lajmet e fundit rreth fenomenit UFO


UFO eshte perplasur ne Vietnam

Mediumet Vietnameze njoftojne se nje objekt fluturues i paidentifikuar eshte perplasure disa kilometra large nje ishulli te banuar me njerez ne Vietnam. Thuhet se pas ketij ekplodimi njerezit kane gjetur disa pjese te nje metali te cuditshem me gjatesi prej 1,5 m.

Nderkohe qeveria Vietnamze ka njoftuar se ka ndodhur perplasje e nje aeroplani, por nuk dihet se a eshte aeroplan ushtarak apo civil. Mirepo pas disa oresh kane vertetuar se ne asnje baze usharake te Vietnamit dhe shteteve tjera per rreth nuk ka munguar ndonje aeroplan, te njejten e kane vertetuar edhe kompanite civile.

Sipas mediave dhe njerezve te asaj rrethine behet fjale per nje objekt fluturues te paidentifikuar - UFO.

Xhirohet UFO në mes të agimit mbi Turqi



Disa banorë të Turqisë mbetën të shokuar kur së bashku me këngën e gjelit në sabah kanë parë në qiell edhe një fluturake të çuditshme ngjyrë argjendi.

Njëri prej dëshmitarëve të kujdesshëm – me siguri nga dritarja e kuzhinës së tij – hapi kamerën e telefonit dhe xhiroi fluturaken e argjendtë në formë të rrumbullakët e cila praktikisht nuk prodhonte kurrfarë zhurme.
Kjo ngjarje e pazakontë ndodhi mbi qiellin e qytetit Filled, por tash për tash nuk dihet se çka mendojnë ufologët për këtë fluturake mbi qiellin e Turqisë.

Sido që të jetë kjo video është shumë e mirë dhe pas disa shikimeve mund të shihet qartë se nuk bëhet fjalë për ndonjë aeroplan komercial ose ndonjë fluturake të njohur nga njerëzit.

NASA ka zbuluar shenja të jetës jashtëtokësore?



Pasi ka lajmëruar organizimin e një konference shtypi në lidhje me një zbulim shkencor rreth jetës në planetët tjera, Agjencia Hapësinore Amerikane, NASA ngjalli interesin e të gjithëve, sidomos në rrjetet e internetit.

Në deklaratën e dhënë në faqen e saj në internet, NASA bëri të ditur se do të organizojë një konference shtypi, për të diskutuar rreth një gjetjeje astro-biologjike, nga e cila do të merren rezultate të rëndësishme për sa i përket provave të jetës në planetët tjera.

Zbulimi i një bakteri që shfrytëzon arsenikun për të mbijetuar, bindi NASA-ën për ekzistencën e jetës në planetët të tjerë me atmosferë ndryshe nga planeti ynë.

“Zbulimi astro-biologjik” u krye në thellësitë e pasura me arsenik të liqenit Mono në Parkun Kombëtar të Josemites, në Kaliforni.

“Shfrytëzimi i arsenikut në metabolizmin e këtyre gjallesave tregon se ekziston jeta në format e tjera, ndryshe nga ato që njohim ne. Janë jashtëtokëasor, që ndoshta ndajnë të njëjtin ambient me ne”, deklaron astrobiologu Levis Dartnell nga Qendra për Kërkimet Planetare në Londër.

Zelanda e Re publikon dosjen e UFO-ve

Forcat ajrore të Zelandës së Re kanë publikuar disa të dhëna sipas së cilavë bëhet fjalë për UFO, apo objekte të paidentifikuara fluturuese. Sipas këtyre informacioneve, një prej fakteve daton në vitin 1978 në bregun Kaikoura. Pamjet janë filmuar nga kamera e TVNZ.

Në video shfaqet një trup sferik që rrezaton dhe fluturon në qiell dhe në qendër të tij ka një njollë të errët. Kameramani i cili ka filmuar fenomenin, e ka përshkruar lëvizjen e objektit gjatë një interviste dhënë në 1978, duke thenë se objekti kishte qëndruar për pak kohë pezull dhe më pas ka fluturuar më shpejtësi duke u zhdukur.

Autoritetet e zelandës së re thanë asokohe se mund të ishte një ndricim i pazakontë i Venusit, apo se mund të ishte shkaktuar nga transmetimet e radiove apo valëve të frekuencave të ndrsyhme.

Materilaet me të dhëna për UFO-t, janë publikuar falë ligjit për liri të informimit. Suzanne Hansen është një nga studiueset e UFO-ve, dhe tregon se prej kohësh ajo kishte kërkuar të dhëna për këto ngjarje në mënyrë që njerëzit të shohin më thellë, dhe se duhet të kuptohet më shumë. Në materiale të tejra, ka të dhëna për sfera fluturuese apo alienë gjatë periudhës 1954 - 2009.

Ja videoja e jashtëtokësorëve



Në qytetin argjentinas, Villa Carlos Paz, një persona para disa ditëve në qiellin mbi qytet ka xhiruar një pjatë fluturuese, e cila duke fluturuar në qiell me shpejtësi të madhe, u zhduk përnjëherë.

Në video xhirimin me kualitet jo shumë të mirë shihet pjata fluturuese – në largësi shumë të madhe – e cila me shpejtësi të madhe po fluturonte në vijë të drejtë.

Në një moment, kur del jashtë resë – pjata fluturuese zhduket papritmas. Në momentin e parë duket se u zhduk prapa reve, por pas disa momentesh shihet se pjata fluturuese ishte zhdukur me shpejtësi të dritës, në momentin kur u shfaq prapa reve.

Në Danimarkë gjetën jashtëtokësorin nga Ballkani?



Në ishullin Sealand gjatë ndërrimit të gypave të vjetër të kanalizimit, një danez gjeti një kafkë të pazakontë për të cilën dyshohet se vjen nga rajoni i Ballkanit dhe i takon një jashtëtokësori.

Derisa po ndërronte gypat e vjetër të kanalizimit, danezi Anton Spangenberg në oborrin e tij në ishullin Sealand gjeti një kafkë të pazakontë për të cilën ekzistojnë disa teori.

Më intrigantja është ajo se kafka i përket një jashtëtokësori, i cili vjen nga rajoni i Ballkanit, ndërsa në ishullin e lartpërmendur arriti nëpërmjet Parisit dhe Munchenit, njofton RTL.

Kafka nga ishulli Sealand është rreth një herë e gjysmë më e madhe se kafka e homo sapiensit. Bien në sy zgavrat e mëdha të syve, për të cilat thuhet se janë të përshtatura për jetën në terr, nën tokë ose në planetin i cili sillet në ndonjë yll të largët.

Analizat e dërguara në Institutin Niels Bohr dëshmuan se kjo krijesë ka jetuar ndërmjet 1200 deri 1800 vjet më përpara, ndërsa është varrosur pas vitit 1900.

Edhe më tutje mbetet mister nëse kafka i takon një jashtëtokësori, është pjesëtar i ndonjë specie deri më tash të pazbuluar ose bëhet fjalë për një qenie të deformuar njerëzore, shkruan RTL.

Rrathët në fushat e Indonezisë dëshmi se ekzistojnë UFO-t



Rrathët u paraqitën në fushat e mbjella në Indonezi më 24 janar, ndërsa popullsia lokale në fshatin Nogotirito mbeti e shokuar. I tërë fshati prej asaj dite u dyndën drejt fushave për të parë përmasat gjigande të rrathëve misterioz me përmasa dhjetëra metra e me forma të përkryera.

Derisa disa shkencëtarë thonë se rrathë të tillë krijohen falë disa dukurive të pazakonta natyrore, të tjerët thonë se ato janë bërë nga dora njerëzore, por askush nuk ka dëshmi për të vërtetuar se për çfarë bëhet fjalë.

Ufologët entuziastë megjithatë thonë se ky është një fakt i pastër që dëshmon se megjithatë jashtëtokësorët ekzistojnë. Më saktë, jashtëtokësorë që drejtojnë anije kozmike.

UFO në Jerusalem

Një sferë e shndritshme është vënë re gjatë natës të së premtes, teksa fluturonte në qiell, mbi malin e Tempullit në Jeruzalem. Menjëherë është folur për hipotezën, se diçka e tillë ishte një disk UFO.

Në shumë pak kohë filmimi i objektit fluturues mbi kupolën shkëmbore, i postuar në YouTube nga një kino-amator, është parë nga më shumë se 200 mijë njerëz, duke përfshirë edhe ekspertët e dukurive të pazakonta.

Në filmim shihet qartë sfera e ndritshme, teksa kalon në Malin e Tempullit dhe pranë “Murit të Vuajtjes”, vende të shenjta veçanërisht për Judaizmin dhe Islamin.

Më pas, sera ulet dhe qëndron pezull për disa sekonda dhe pastaj befas shkon prapa me shpejtësi të plotë, e ndjekur nga komentet tronditëse të xhiruesit dhe miqve të tij.

Ushtria shtiu në UFO?


Banorët e fshatit Lespolin në Rusi mbetën të befasuar kur në qiellin e natës panë një objekt të madh rrotullues. Banorët u mbyllën në shtëpi nga frika dhe filluan ta vështrojnë objektin, ndërsa sipas përshkrimeve thuhet se ata kanë parë një pjatë të madhe fluturuese.

Objekti është vërejtur edhe nga baza e afërt ushtarake, edhe pse nuk dukej në radar. Për tu mbrojtur nga kërcënimi potencial dhe pa dashur të fillojnë një konflikt të hapur me fluturaken e panjohur, ata shkrepën vetëm disa fishekzjarrë ndriçuese.

Pas kësaj ky objekt, sipas raporteve, u zhduk. Edhe pse banorët janë të bindur se kanë parë një fluturake jashtëtokësore, shpejtë erdhi edhe sqarimi i ekspertëve ushtarak dhe shkencorë.

Njëra nga sqarimet ishte se ndoshta objekti ka qenë ndonjë meteor ndriçues ose ndonjë fenomen tjetër atmosferik, i cili gjatë përzierjes me molekulat e ujit dhe gazrat e moçalit, mund të shkaktojë një efekt të ngjashëm.

Sqarimi tjetër ishte se ndoshta bëhet fjalë për migrimin e karkalecave ndriçues. Por asnjëra prej këtyre dy teorive nuk sqaron pse ushtria u detyrua të intervenojë. Raportin në lajme mund ta shihni në videon më poshtë:

Një fluturake gjigante mbi Japoni

Në videon të cilën ua sjellim është xhiruar një formë e pazakontë e fluturakes e cila fshihet pas një reje afër aeroplanit të udhëtarëve nga i cili edhe është xhiruar.

Ende nuk është vërtetuar se për çfarë objekti fluturues bëhet fjalë, por xhirimi ka mahnitur shumë njerëz.

Edhe pse shumica mendojnë se në video shihet vetëm një fluturake e vogël, ka gjithnjë e më shumë njerëz që thonë se pjesa e dukshme është vetëm copëza e një fluturakeje më të madhe e cila fshihet nën re.

Për pjesën e dukshme ekspertët e UFO-ve thonë se janë një lloj “dare” e cila mund të shërbejë për lëshimin e fluturakeve më të vogla, sikur ato në formë të pjatave fluturuese që shpesh i shohim kur flitet për xhirimet e UFO-ve.

Një teori tjetër është se objekti i fshehur ndoshta pret aeroplanët e papërgatitur të udhëtarëve të cilët pastaj i rrëmben.

Ekuipazhin e fluturakes e përbëjnë jashtëtokësorët të cilët kryejnë eksperimente në udhëtarët e aeroplanëve dhe ekuipazhin. Me sa dimë ne, ende askush nuk e ka vërtetuar se për çfarë objekti bëhet fjalë.

Në bazë të xhirimit të cilin ua sjellim ju mund të konkludoni vetë se çfarë po shihni në të vërtetë.

Një xhirim i objekteve të ndritshme në formë disku duke fluturuar në qiell mbi Radio 1 BBC, në rrugën “Grejt Portland” në pjesën qendrore të Londrës.

Në xhirim shihen se si disa objekte të panjohura fluturuese (UFO) kalojnë mbi Londër në një lartësi të madhe, duke ndriçuar me dritë të bardhë. Pas reve për një moment paraqitet një objekt më i madh dhe zhduket për pak minuta.

“Më janë dashur disa javë që ta bëjë këtë, por përfundimisht arrita t’i xhiroj këto “gjëra” kur është koha e mirë, madje t’i kapë edhe nga afër”, ka shkruar përdoruesi i “You tube” i cili ka vendosur incizimin para dy ditësh, duke kërkuar shpjegime për objektet fluturuese që i ka kapur me kamerë.

UFO në qiellin e Meksikës?

Një objekt kurioz është kapur në video në qiellin e Meksikës. Videoja e filmuar nga ana e një rruge në Cuernavaca, afër Mexico City, tregon një objekt misterioz me ngjyra të ndritshme në qiell.

Ndërsa kameramani e afron videon për një pamje më të mirë, mund të vërehet një top me krahë të zjarrtë.

Videoja është regjistruar me 29 qershor dhe është shkarkuar në YouTube nga një përdorues i quajtur Kimdragon1.Pasi kishte parë pamjet një përdorues shkruajti:" Kam parë të njëjtën gjë në Greqi me 29 qershor".

Shikoni videon:

Veetem objekt misterioz nuk eshte ai, pamjet jane shume te qarta dhe duket qe eshte vetem nje komete, qe pasi ka hyre ne atmosferen e tokes ka filluar te digjet ne prani te oksigjenit te ajrit???

Ufo prane anijes kozmike''Atlantis''




8 korriku 2011 shënoi fluturimin e fundit te anijes kozmike Space Shuttle Atlantis,mbasi fluturimet e ardhshme nuk janë planifikuar për disa vjet.

'Fluturimi fundit i "Atlantis'' ka rezervuar nje te papritur,një UFO fluturon rreth anijes,ku shume njerëz e kanë vënë re kete anomali në video postuar në YouTube.

Video ,e cila eshte ngadalësuar në mënyrë të konsiderueshme për ta bërë më të lehtë 'vëzhgimin,tregon objektin e paindentifikuar që pulson prane anijes kozmike.

Ju ftoj të shikoni kete video për ta vlerësuar nga kendveshtrimi juaj ,mbasi fenomeni UFO nuk mund te injorohet si fenomen,per shkak te shfaqes intensive te tyre ne syrin njerzor.

Na vizitoi një mysafir i paftuar?

Sipas të gjitha gjasave, duket se në San Jose të Kalifornisë kohë më parë erdhi një mysafir i paftuar. Se kush ishte ai dhe për çfarë bëhet fjalë ende nuk dihet, por kanë lindur teoritë e para.

Qasja më “konservative” ndaj këtij problemi thotë se kjo është një lloj fluturake jashtëtokësore, ndërsa thonë se ajo çfarë shihet në video si ndërrim i formës në të vërtetë është teknologjia jashtëtokësore e të qenit “i padukshëm” që mundohet të fshehë formën e vërtetë të fluturakes.

Të tjerët thonë se fluturakja është e formës ekzistuese, ndërsa artefaktet në xhirim të cilët të japin përshtypjen se fluturakja ndërron formën në të vërtetë vijnë si pasojë e ‘zoomit’ të kamerës.

Një teori më pak “konservative” është se ajo nuk është fluturake por një krijesë nga një dimension tjetër e cila, rastësisht ose qëllimisht, kaloi qarjen ndërdimensionale dhe përfundoi në Tokë.

Mbështetësit e kësaj teorie thonë se ky është një eksperiment i krijesave jashtëtokësore të cilat përpiqen të gjejnë mënyra që të udhëtojnë drejt Tokës në mënyrë të sigurt, të mbijetojnë në atmosferën tonë dhe të kthehen me sukses.

Ndërkaq, teorinë tuaj për këtë UFO mund ta jepni pasi ta shihni videon.

kjo videoja e san jose mu duk disi e paqarte pasi nuk mund te dalloje nese ishte disk fluturues apo jo. me poshte po jap nje video te nje ufoje qe eshte zbuluar rastesisht nga nje perdorues i google earth ne afriken e jugut :

Brazili hutohet, banorët shohin një UFO


Sao Paolo, 26 Korrik 2011 – Janë hutuar shumë banorët e provincës Embu në Sao Paolo të Brazilit pasi kanë parë objekt të paidentifikuar që i ka zhytur në mendime.

Ka qenë nata e 23-24 korrikut, dy ditë më parë kur sikundër folën shumë dëshmitarë dhe raportoi media vendase, një objekt i shndritshëm i paparë ndonjëherë, qëndroi për disa minuta në qiellin e zonës dhe më pas u zhduk.

Më poshtë gjeni një video amatore si dhe një videokronikë të televizionit vendas:

VIDEO AMATORE:

Nje UFO ‘kapet rob’ ne Google Earth

Software i hartave 3 dimensionale duket se ka fiksuar ne objektiv mbi qiellin jugafrikan nje disk fluturues.

16:18 – Nese here pas here e keni pyetur veten nese jemi te vetem ne univers dhe a ekzistonin vertet ufo-t , mbase nje pergjigje mund te vije per ju nga interneti. Google Earth (vetem ne versionin e tij te fundit, 6) duket se ka zgjidhjen per shume dyshime, fale nje imazhi ne te cilin shfaqet nje “ekzemplar tipik” i nje disku fluturues, i cili rrotullohej ne qiejt e Kejp Town ne Afriken e Jugut.

Pra, mjafton te shtypni ne Google Earth koordinatat qe tregojne farin e qytetit jugafrikan (34°21'12.68"S 18°29'23.97"E), te spostohemi paksa ne te djathte…dhe para jush ne horizont do te shfaqet nje UFO prej verteti.

Per ata qe po therrasin se ky mister tashme u zbuluar, ka edhe nje por… Ekspertet e paralajmerimit ndaj objekteve te paidentifikuara shprehen te ndare. Mbase jane te shqetesuar nga rreziku i imazheve ‘fallco’ qe ofron ndonjehere interneti apo jane te bindur se “nese ka nje fotografi, nuk do te thote me domosdoshmeri qe imazhi eshte autentik apo real”.

UFO në vendin e aksidentit të hokeistëve?!

Nëpër internet është duke qarkulluar një incizi, në të cilin shihet një objekt fluturues i paidentifikuar (UFO) – që paraqitet në qiell vetëm pak çaste pasi avioni "JAK-42" me okejsitë të Lokomotiva Minsk u rrëzua dhe ra në lumin Vollga.
Shkaku i rënies ende nuk dihet, por besohet se bëhet fjalë për avari teknike ose karburant jocilësor. Sipas informatave të fundit nga Rusia, në këtë aksident kanë pësuar 45 persona, nga të cilët vetëm njëri ka shpëtuar. Në avion gjendeshin kanë qenë 39 hokeistë, nga të cilët 13 të huaj.

Rishfaqen UFO-t në Amerikë



Duke udhëtuar për në veri të rrugës 49 të qytetit, një banor i rajonit të Connecticut në Shtetet e Bashkuara të Amerikës thotë se u befasua kur pa një dritë në formë trekëndore, që lëvizte në ajër në një lartësi të ulët dhe me shpejtësi të madhe.

Objekti i shndritshëm në formë trekëndëshi ndoqi lëvizjen e automjetit të tij dhe drita e fortë u pasqyrua në rrugë gjatë lëvizjes së veturës.

Ngjarja e rrallë ndodhi natën e 6 janarit 2012, në një zonë të thellë bujqësore, transmeton agjencia NOA.

Banori i zonës e rrëfeu imazhin e UFO-s trekëndor në faqen on-line Mufon.

Ai tregon se po kthehej për në shtëpi pas punës dhe nata kur ndodhi mirazhi para syve të tij ishte e kthjellët.

“Unë po ngisja veturën kur vura re një si avion trekëndor tejet të shndritshëm, me ngjyrë blu dhe të bardhë që lëvizte në ajër para veturës sime. Kishte afërsisht ngjyrën e një drite hallogjene”, tha ai i befasuar nga pamja e rrallë.

“Objekti i shndritshëm u shfaq befas para syve të mi dhe fluturonte ulët e me shpejtësi të madhe. Drita erdhi nga lindja mbi horizont dhe shkonte drejt perëndimit. Ajo u bë e ndritshme dhe ndryshoi shumë shpesh ngjyrë deri sa u ngjit mbi kokën time dhe vijoi rrugën lart në qiell. Po shihja me vëmendje që të kuptoja se ç’ishte, por në perëndim ajo nuk dukej më. Sakaq, drita e rrallë ishte zhdukur krejt, ndërsa rruga përpara meje ndriçohej nga dritat e zonës”, tha dëshmitari.

E pabesueshme, një UFO nuk i ndahet avionit me pasagjerë



Është një ndër filmimet e fundit që mund të cilësohet si më interesanti për sa i përket gjurmëve të objekteve faturuese të paidentifikueshme në qiell.

Shumë persona e cilësojnë si një disk UFO.

Megjithatë faktet flasin për një filmim, i cili është regjistruar nga bordi i një avioni, që në atë moment ndodhej mbi Malet Himalaja gjatë ditës së shtunë më 25 mars të 2012.

Më poshtë keni videon ku secili mund të japë gjykimet e tij.

shikoni me kujdes esht evertet kjo apo jo?