Të rralla - 2

AL Kaeda u krijua nga SHBA normale ce personazhi i binladenit edhe alkaeda u krijua nga qeveria amerikane sepse amerika eshte shteti me i pangopur per nafte edhe e vetmja menyre ce amerika te kishte arin e zi eshte krijimi i alkaedes amerika do te ket nen kontroll komplet lindjen e mesme sepse aty ka nafte me bollek

Një element krejt i veçantë rezulton të ketë shoqëruar mbytjen e anijes Costa Concordia në ujrat Italiane. Raportohet se në një nga restorantet e anijes së madhe po dëgjohej kolona zanore e të famshmit Titanic. “My Heart Will Go On” e kënduar nga Celine Dion u përdor nga James Cameron si kolonë zanore e filmit ku ishin protagonistë Leonardo Di Caprio dhe Kate Winslet. Yannic Sgaga nga Zvicra dhe vëllai i tij thanë se ishin duke dëgjuar këtë baladë ndërsa ndodhi aksidenti.

Moskë, 18 janar - Artisti nga Rusia, Denis Llotarev për pak çaste e zhvendosi atelienë e tij në ujërat e Detit të Zi dhe më pas edhe në atë të Kuq.Pavarësisht kushteve të vështira të punës, ku shpesh i është dashur të ndërrojë vendqëndrimin për shkak të rrymave të ajrit në ujë, ai ka arritur të nxjerrë në dritë piktura mjaft të mira.

Llotarev tha se eksperimentin e pikturimit nën ujë e nisi para tre vjetësh, pikërisht në banjën e tij. Megjithatë, kjo ide, sado e habitshme, po tërheq vëmendjen e shumë kureshtarëve artdashës, transmeton Lajmeshqip.

Të gjitha krijimet që ai bëri nën ujë po prezantohen në një ekspozitë të organizuar në St. Petersburg të Rusisë.

[quote="iforti"]AL Kaeda u krijua nga SHBA normale ce personazhi i binladenit edhe alkaeda u krijua nga qeveria amerikane sepse amerika eshte shteti me i pangopur per nafte edhe e vetmja menyre ce amerika te kishte arin e zi eshte krijimi i alkaedes amerika do te ket nen kontroll komplet lindjen e mesme sepse aty ka nafte me bollek [/qu

Al Kaeda u krijua nga Osama Bin Laden ne vitin 1988. Ndersa Bin Laden u stervit nga CIA ne Luften Ruso-Afgane, gjate opercionit "CIKLONI" dhe ju dhane arme dhe fonde per te luftuar ruset. mbas luftes ndihmoj talebanet per te mare pushtetin ne Afganistan dhe perhapi islamin ne kete vend sipas menyres suunite.

E pabesueshme, Sahara-ja mbulohet nga dëbora!

Kjo është një ngjarje e veçante qe ka ndodhur te martën. Sahara-ja, shkretëtira me e madhe ne bote, një zone ku temperatura afrohet ne 50°C, ka pasur reshje te mëdha dëbore ne rajonin Béchar, në veri-perëndim të Algjerisë, afër kufirit maroken. Ndërkohë qe shikon palmat te cilave ju rendojnë degët te duket sikur je ne Siberi apo sikur këto pamje janë surreale.

Një fenomen shume i rralle, por qe është një lajm i mrekullueshëm. Ne fakt, manteli i bardhe i cili ka mbuluar dunat do iu beje mjaft mire oazeve. Shikojini pamjet ne videon e mëposhtme.


Il neige au Sahara ! by Gentside

Maumere, 23 janar – Një krokodil pak ditë më parë e gëlltiti një vajzë dhjetëvjeçare në Indonezi para syve të babit që s'kishte çfarë të bënte, njofton AP .

Zyrtarë të krahinës Nusatengara kumtuan se vajza bashkë me babanë e vëllanë po gjuante breshka në momentin kur u kap nga krokodili i cili e gëlltiti menjëherë.

Popullata vendore gjeti rrobat e vajzës disa orë më pas.

Në muajin e kaluar kishte ndodhur edhe një gëlltitje e një djali.

Fshatarët e lokalitetit në javët e fundit kanë njoftuar për humbje të bagëtisë së tyre.

keta krokodilet duhet te zhduken te gjith pa perjashtim keta perbejne rrezik te madh ose zonat ku ata jane te pranishem duhet te izolohen nga publiku

Kafshë të zgjuara si majmuni ose qeni janë në gjendje të kuptojnë njeriun në të gjithë gjuhët e botës, por vetëm delfinët mund të mësojnë realisht të flasin një gjuhë të dytë.

Pesë delfinë të mbajtur në një akuarium në Port Saint-Pere, në Francë, shokuan kujdestarët e tyre, kur gjatë gjumit, në gjendje të pavetëdijshme komunikonin midis tyre jo me tingujt e zakonshëm të delfinëve, por nëpërmjet klithmave dhe zërave që lëshojnë balenat.

I vetmi vend në të cilin gjitarët e rritur në akuarium kishin dëgjuar këto tinguj ishte shfaqja e tyre javore, e gjatë 21 minuta, gjatë së cilës në sfond transmetoheshin zërat e balenave, së bashku me zhumra të tjera detare.

Të monitoruar me kujdes, u zbuluan deri në 25 tinguj dhe zëra që nuk janë natyralë për delfinët, por imitime nga ato që ata kanë dëgjuar. Një përfundim i tillë tregon se delfinët janë në vetvete si fëmijë të vegjël, të cilët përpiqet të imitojnë gjithçka në botën që i rrethon.

Gjetjet hapin një kapitull krejtësisht të ri dhe të panjohur mbi jetën e delfinëve. Hapi i radhës i kujdestarëve të tyre, tashmë mund të jetë që t’i mësojnë frëngjisht…

Kinezja Me Jan Leong (58 vjeçare) nga Singapori ka kaluar dy vjet e gjysmë, përkatësisht 902 ditë, në guacën e WC –së në banjën e vet ku ka ngrënë dhe ka fjetur. Gjatë gjithë kësaj kohe ka qëndruar e zhveshur, ka bërë dush vetëm 18 herë dhe ka komunikuar vetëm me bashkëshortin Kian An Ongom.

Ajo ka thënë se për ta bërë këtë e “ka shtyrë një forcë” dhe ka sqaruar se as vetë nuk e ka kuptuar pse u detyruar të mbetej në banjë. Thotë se kishte ndjenjën se po të dilte do t’i ndodhte ndonjë e keqe, përkatësisht se do të gjuhej me gurë, do të spërkatej me ujë ose do të sulmohej në ndonjë mënyre tjetër.

Ajo kishte refuzuar të fliste edhe me djalin 27 vjeçar, me profesion gazetar e bashkëshorti që kujdesej për të disa herë ishte përpjekur ta largonte nga banja, por ajo kundërshtonte vendosmërisht duke thënë se “dikush po e mbante fuqimisht aty”.

Kian megjithatë u detyrua të kërkonte ndihmë profesione dhe thirri personelin e një spitali i cili me dhunë e largoi kinezen nga banja.

Sa para jeni në gjendje t’i ndani për një bluzë me mëngë të shkurtra? A janë 400 mijë dollarë shumë për të?

Në fakt, aq kushton bluza “luksi superior”, e punuar nga pambuku organik dhe e zbukuruar me diamante.

Sigurisht që në çmim nuk është llogaritur vetëm pambuku organik, por edhe zbukurimet prej diamanteve të bardhë dhe të zinj, vlera e të cilëve i kalon nëntë karatët. Kjo bluzë është prodhuar me anë të procesit i cili redukton ndotjen e ajrit me 90 për qind, transmeton Lajmifundit. Ky prodhim ekologjik jo vetëm që mbron ambientin, por është i përshtatshëm për të gjitha llojet e lëkurave.

400 mije dollar nje bluze ahahahah po un personalisht me mire e blija te tregu i cameve sepse jane te lira edhe cilesi me e mire

Instinkti që të shpëton jetën, fëmija vret gjarprin duke e kafshuar



Përleshja e një gjarpri me një bebe në Izrael ka përfunduar në mënyrën më të paparashikueshme. Fëmija 1-vjeçar e ka vrarë gjarprin duke i këputur kokën me një kafshim.

Ngjarja e habitshme ka pushtuar të gjitha mediat izraelite ditët e fundit.

Fëmija 13 muajsh Imad Gadir, nga Shfaram, një zonë në veri të Izraelit, u gjet nga e ëma teksa kafshonte trupin e gjarprit të ngordhur me gjatësi 35 cm.

E tmerruar, ajo ka lajmëruar menjëherë një nga fqinjët, i cili ia ka hequr nga dora gjarprin fëmijës.

“Mendoj se Imad është shtyrë nga instinkti fëmijëror kur ka futur kokën e gjarprit në gojë”, citojnë mediat izraelite Eli Cohen, një njohës i mirë i gjarpërinjve.

“Për fat të mirë, ky lloj gjarpri nuk është helmues, përndryshe ngjarja mund të ishte kthyer në tragjedi”, thotë ai.

Por ata që mendojnë se fëmija ka fituar një betejë të lehtë, gabohen. Sipas Cohen, gjarpri që ka sulmuar fëmijën në fjalë kishte një tjetër strategji për të kapur prenë.

“Ky lloj gjarpri mbështillet rreth qafës së presë së tij derisa e mbyt”, thotë Cohen.

Tashmë fëmija, i cili krahasohet nga mediat me Herkulin e vogël të mitologjisë klasike, është dërguar në spitalin e Haifas. Aty, ai u është nënshtruar ekzaminimeve, të cilat më shumë do të shërbejnë për të qetësuar dy prindërit e tij.

Një person që u mbajt dy vjet i burgosur në SHBA pa një vendim gjykate fitoi 22 milion dollarë dëmshpërblim, një prej shumave më të mëdha të akorduara ndonjëherë në histori për gabimet e sistemit të drejtësisë.

Ai u arrestua në vitin 2005 për drejtimin e makinës në gjendje të dehur, por gjykata praktikisht e harroi në qeli ndërsa priste të paraqitej përpara saj dhe ai qëndroi më shumë se dy vjet në paraburgim, në pritje të procesit që nuk u realizua kurrë.

58-vjeçari Stephen Slevin, nga Nju Meksiko, për shkak se qëndroi në një qeli paraburgimi, e cila është konceptuar për të mbajtur një person vetëm për disa ditë, u mbajt për dy vjet i izoluar 24 orë në 24, pa u lënë asnjëherë të dilte nga dhoma dy metra e gjerë dhe tre e gjatë, të takohej me familjarët dhe të kishte asistencë mjekësore.

Këto të drejta janë të pamohueshme me ligj dhe i ka çdo person që është i burgosur me procedurë të rregullt.

Ai nuk pati mundësi të rruhej dhe të qethej gjatë të gjithë kohës, ndërsa hoqi vetë një dhëmb, pasi në qelitë e paraburgimit nuk është e pranishme asistenca mjekësore.

Pasi rasti i tij u pikas dhe u lirua pas dy vitesh burgosje arbitrare, Slevin paraqiti një padi ndaj shtetit dhe një gjykatë i akordoi dëmshpërblimin rekord, për burgosje të padrejtë dhe dhunim të të drejtave thelbësore kushtetuese.

”Nuk e bëmë asnjëherë këtë proces për para. Pacienti im ka probleme mendore nga koha e kaluar në qeli dhe duhet të vizitojë rregullisht qëndra psikologjie. Ajo që ka kaluar ai është e paimagjinueshme”, u shpreh avokati mbrojtës.

Një vajzë britanike tetë vjeçare aftësitë e të cilës për të luajtur në kitare kanë impresionuar fansat në të gjithë botën e ka kthyer këtë video në një sensacion. Zoe Thomson nga Thatcham i Berkshire, tregon talentin e saj në kitarë duke magjepsur profesionistët. Deri më tani videoja e saj ishte raportuar të ketë arritur 900, 000 shikime.

Mjekët kanë studiuar optikën/shikimin e shkëlqyer të djaloshit Nong Youhui që në momentin kur i ati i tij e dërgojë atë për ta vizituar tek mjekët në spitalin Dahua, që ndodhet në Kinën jugore i shqetësuar nga veçoria e shikimit dhe sytë kaltërosh të djalit të tij.
I ati i djalit, Ling, deklaroi: “Mjekët më thanë se, kur djali të rritet, sytë e tij, do të humbasin kaltërsinë, aftësitë super natyrore dhe shkëlqimin e tyre. Ata do të behën të zinj, siç ndodh e ka ndodhur në shumicën e popullit Kinez. Por kjo gjë nuk ndodhi kurrë!”.
Mjekët të ‘kapur’ në befasi kërkuan ndihmën e specialistëve, të cilët së bashku studiuan djalin duke e testuar atë. Kur ata e futën djaloshin Youhui, në një dhomë të errët, ai mundej të shikonte dhe të lexonte lirshëm e rrjedhshëm, si në mes të ditës. Gjithashtu Youhui, la me gojë hapur specialist në çdo provë të tyre, duke treguar e shpalosur aftësitë super natyrore të tij.

ahahahahah me mire te me kishin marr mua te me kishin mbajtur edhe do ta beja burgun per qef ahahahah per 22 milion dollar

Një film me skena horrori detyroi ambulancën të shkonte dy herë në Festivalin e filmit “Sundance” pasi dy persona përjetuan momente shoku dhe reagime të rënda shëndetësore. Një prej shikuesve në mes të filmit u largua me vrap dhe më pas u përplas përtokë në gjendje të shokuar. Edhe tre persona të tjerë pësuan të njëjtin fat. Producenti i filmit Roxanne Benjamin postoi disa foto në rrjetin social Twitter dhe tha se ishte njoftuar ambulanca në disa raste pas eksperiencave jo të mira të shikuesve në Park City, Utah.

Muzeu i arteve Prado i Spanjës tha se ka zbuluar një kopje të jashtëzakonshme të Leonoardo Da Vinçit, La Gioconda-n, e pikturuar nga një nga nxënësit e tij në të njëjtën kohë kur po kryhej piktura origjinale.

Kopja ka qenë e ekspozuar më muzeun e arteve për vite, ndërkohë që ekspertët nuk kanë qenë në dijeni për rëndësinë e saj.

Një restaurim rutinor i ka çuar ekspertët që të zbulojnë sfondin e errët prapa së cilës qe shtuar më pas figura e famshme e Mona Lizës dhe se ajo ishte mbuluar me një peizash italian, ngjashëm siç ka qenë në origjinalin e Da Vinçit.

Artisti po ashtu ka përsëritur përmirësimet e Vinçit, duke i çuar ekspertët në prfundimin se ai ka kopjuar La Gioconda-n në punëtorinë e mjeshtrit, ndërsa po pikturohej origjinalja.

Piktura është e masës së njëjtë sikurse La Gioconda dhe daton nga shekulli i 16-të njëjtë sikurse origjinali. Besohet se ajo është pikturuar ose nga Andrea Salai ose Françesko Melzi, që kanë qenë nxënësit më të afërt të Da Vinçit.

Origjina e kopjes është konfirmuar nga ekspertët e muzeut të Pardos dhe të Luvrit në Paris, të cilët mbajnë pikturën origjinale.

Një suedez mbijeton duke qenë dy muaj nën borë



Një suedez është gjetur i gjallë në një automobil i cili për dy muaj ishte i mbuluar me sasi të madhe të borës. Suedezi për gjithë këtë kohë kishte ngrënë vetëm borë, raportojnë mediat botërore.

Sipas gazetës “Vasterboten kurijer”, ai është “ngujuar” nga bora me 19 dhjetor dhe i ka mbijetuar temperaturat nën 0 gradë celsius falë thesit për fjetje në borë.

Shpëtimtarët e kanë gjetur suedezin në një rrugë sporadike fshati jo shumë larg nga qyteti Ume, pasi që kishte alarmuar një banor i një fshati të afërt, i cili kalonte atypari me sajë me motor.

Gjatë dy muajve në këtë rajon të Suedisë temperaturat kanë arritur edhe nën minus 30 gradë, por nën borë në automobil ishte mjaft ngrohtë.

Suedezi është dërguar në spitalin e Umes, ndërsa mjekët kanë thënë se gjendja e tij shëndetësore është e kënaqshme, transmeton DPA.

Mbijetoi pas lindjes me zemër jashtë trupit



Në kohën kur foshnja Ryan Marquiss u lind me zemrën e tij jashtë trupit, mjekët nuk prisnin që ai të shpëtonte.

Ky ishte një rast tejet i rrallë dhe zakonisht fëmijët e sapolindur vdesin brenda tre ditësh. Zemra e tij ishte edhe më e veçantë, pasi nuk ishte e zhvilluar dhe thuajse ishte një gjysmë zemre, kombinim shumë i rrallë i defekteve.

Prindërit refuzuan kërkesën e mjekëve për të abortuar që në javën e 12 të shtatzënisë.

Në fakt, kanë bërë gjënë e duhur dhe këtë e kuptojnë shumë mirë sot kur Ryan feston vitin e tretë të lindjes së tij, raporton Mail Online.

Nëna 34 vjeçare e fëmijës tha se e kanë lënë natyrën të bënte të veten dhe refuzuan abortin.

Oxford, 22 shkurt – Një konferencë e paralajmëruar nga universiteti i Oxford-it është kundërshtuar nga studentët, lektorët dhe mbrojtësit e të drejtave të homoseksualëve. Konferenca bënte fjalë për një kurë për shërbimin e homoseksualizmit që ishte parashikuar të mbahej nga një grup kristianësh.

Ky grup që e konsideron homoseksualitetin si mëkat, thotë se me një terapi korrekte mund të shërojë këtë “sëmundje”. Organizatat për të drejtat e gejve thonë se ky grup po përhap homofobinë.

Universiteti ka reaguar duke thënë se nuk do ishte e shëndetshme ndalimi i kësaj konference por ka pranuar se mund të rishikojë politikat për rezervimin e konferencave të ngjashme.

strukturat e dyshimta në Hënë mbase kemi te bejme me aliene ku i dihet

ahahhahaha kjo eshte me e bukura ce kam lexuar hahahahahahahha vret veten se u lodh duke pritur vdekjen ahahahahah LOL

Goditet dy herë nga rrufeja, e shpëton mini-çadra



Nxënësi britanik Matt Wilks (19) ka përjetuar - dhe mbijetuar – dy goditje të rrufesë të enjten pasdite.

Wilks beson se atë e ka shpëtuar një kapelë-çadër që e kishte vënë mbi kokë para se të dilte jashtë nëpër mot të lig, shkruan gazeta Mirror.

Ai e kishte blerë këtë çadër – sheshir për tre funte në e-Bay dhe deshi t’ia tregonte së ëmës, kur e goditi rrufeja.

“Dola në kopsht për t’ia treguar nënës çadrën që sapo më kishte ardhur me postë kur ndodhi goditja e parë. Ndjehesha çuditshëm, sikur të më kishte goditur diçka fuqishëm në kokë”, deklaroi Wiks, i cili në atë moment ishte më i gjati në kopsht.

“Ishte mot i lig dhe me shumë elektricitet në ajër. Pak para kësaj një rrufe kaloi nëpër derën metalike të kopshtit dhe më goditi si elektro shok. Unë jam i gjatë 193 centimetra dhe isha objekti më i lartë në kopsht dhe për këtë arsye rrufeja do të më godista pavarësisht nga të gjitha. Mirëpo, mbeta gjallë falë faktit se kisha në kokë çadrën e vogël, e cila mori goditjen më të fuqishme dhe e amortizoi atë mbi kokën time”, tregoi Wilks.

Pas një kohe ai ka ndier mundim, marramendje dhe rrahje të shpejtuar të zemrës.

Në spital më tanë se jam mirë me shëndet, kurse një mjek më preferoi që të shkoj të blejë një tiketë të lojërave të fatit”, tha Matti me fat.

Edhe mini-çadra e tij pati fat dhe nuk u dogj apo shkatërrua, andaj ai tha se ka vendosur ta bartë atë çdoherë që bie shi.

Babai i tij tha se Matti ka pasur fat shumë të madh sepse rrufeja kishte goditur edhe një shtëpi në afërsi dhe e ka dëmtuar shumë kulmin e fqinjit.

Në spital deklaruan se djaloshi vërtetë është goditur nga rrufeja, por e kanë liruar menjëherë sepse nuk ka pësuar lëndime serioze.

ky njeri paska patur fat