A është kjo paralajmërim Apokalipsi!

**Fikrro** prej 11.03.11 14:34

Katastrofa ne Japoni !

Valët e cunamit, më të larta se 10 metra, e kanë goditur të premten bregun verilindor të Japonisë, pas tërmetit me intensitet 8.9 shkallë. Qendra e Paqësorit për alarm nga Cunami me seli në Havai, e ka lëshuar një alarm për cunami, për pjesën më të madhe të rajoneve bregdetare të Paqësorit.

Kryeministri i Japonisë, Naoto Kan, tha se tërmeti ka shkaktuar “dëm madhor”. Pamjet nga helikopteri tregojnë vërshimet në qytetet veriore të bregdetit, ku valët e cunamit kishin marrë çdo gjë me vete, njofton Rel.

Nga pasojat e tërmetit janë shkaktuar zjarre, përfshirë edhe atë në një rafineri të naftës në Tokio dhe në një uzinë metalike. Disa stacione atomike të rrymës janë shkyçur automatikisht, ndërsa zyrtarët thanë se nuk ka pasur rrjedhje radioaktive.

Raportohet se disa njerëz e kanë humbur jetën dhe shumë të tjerë janë plagosur, por mendohet se ky numër mund të rritet. Ushtria është dërguar në terren për t’i ndihmuar rajonet e goditura nga tërmeti.

Termeti e cunami goditën Japoninë

(E plotësuar) Lajmet e fundit nga Japonia e largët, që u godit sot në mëngjes nga një termet 8,9 ballësh sipas shkallës së Rihterit, flasin për së paku 32 të vdekur deri tash, dhe për qindra të plagosur. Por dyshohet se numri i të vdekurve është shumë i madh.
Tërmeti goditi bregdetin verilindor të Japonisë. Cunami 10 metrash pohohet se ka shkretëruar bregdetin japonez.

Tërmet i fuqishëm me intensitet prej 8,9 ballësh sipas shkallës Rihter, e goditi mëngjesin e sotëm bregdetin verilindor të ishullit japonez Honshu, duke krijuar dallgë cunami me valë deri dhjetë metra , të cilat shkaktuan shkatërrime në prefekturën Miagi dhe Fukushima.

Rrezik nga goditje të cunamit janë shpallur edhe në rajonet bregetare të Oqeanit Paqësor në Rusi, si dhe të ishujve Marijanë, Filipine, Tajvanit, Indonezisë, Papua - Guinesë së Re, Naurit, Mikronezisë dhe Havajet.

Epiqendra e tërmetit, për të cilin fillimisht u komunikua se ishte me intensitet prej 7,9, e pastaj edhe prej 8,8 ballë sipas Rihterit, ka qenë në 125 kilometra në lindje të ishullit Honshu, 24 kilometra nën thellësinë e Oqeanit Paqësor.

Pas tërmetit të parë pasoi edhe një seri lëkundjesh të dyta mes të cilëve katër me intensitet prej 7,1 ballëve.

Mediat japoneze njoftuan se ka numër të madh të lënduarish dhe se janë dëmtuar shumë rrugë dhe ka ndërprerje të lidhjeve telefonike. Pas lëkundjes në disa ndërtesa kanë shpërthyer zjarre.

Tërmeti është ndjerë edhe në kryeqytetin japonez Tokio, ku është shembur çatia e një holli, në të cilin është mbajtur ceremonia e ndarjes së diplomave të rreth 600 studentëve.

Armata japoneze u urdhëroi anijeve të Marinës ushtarake në bazën "Jokosuka" që të nisen drejt rajoneve të goditura nga tërmeti dhe cunami që t'u japin ndihmë të dëmtuarve.

Tërmeti goditi në orën 6:46 me orën tonë dhe është pasuar nga një seri tërmetesh të tjerë të vegjël. Tërmeti plasariti ndërtesat dhe rrëzoi makinat nga urat.

Ndërkohë, pjesë të dallgës së cunamit vërshuan si llavë në tokat e mbjella, duke futur në to varka dhe duke vënë përpara shtëpi dhe kamionë.

Në Tokio turma njerëzish u mblodhën nëpër rrugë dhe u përpoqën të lidheshin me të afërmit përmes telefonit. Gjithashtu, tërmeti i shoqëruar nga cunami ka shkaktuar ndërprerjen e energjisë në pothuajse 4 milionë shtëpi në Tokio dhe në zonat përreth.
Japoni, qeveria: Dëme të mëdha

Kryeministri japonez Naoto Kan ka reaguar pas situatës së krijuar pas tërmeteve dhe cunamit që goditën Japoninë, duke bërë thirrje për qetësi.
“Kemi ngritur një komitet operativ dhe iu kërkojmë të gjithëve që të jenë të vëmendshëm ndaj udhëzimeve që do të jepen. Duhet të ruajmë qetësinë”, ka deklaruar Kan.

Deklaratën e tij kryeministri e ka bërë pas një mbledhjeje të jashtëzakonshme të kabinetit të tij, i veshur me tutën e kaltër që përdoret në rastet e emergjencës.

Ndërkohë, një zëdhënës i qeverisë japoneze ka deklaruar se tërmeti i fuqishëm dhe dallgët e cunamit mund të kenë shkaktuar dëme të konsiderueshme.

Një rafineri nafte është përfshirë nga flakët e larta sa një ndërtesë disa katshe në qytetin japonez të Içiharës, ndërsa numri i të humburve është shpallur i lartë, por ende i pakonfirmuar.

Krahina e Miagit, më e dëmtuara nga prekura nga goditjet e cunamit, raportoi për një numër ende të paqartë të humburish, ndërsa disa media vendase flasin për 80 kalimtarë pranë portit të zhdukur nën ujin e turbullt, të ngritur papritmas prej detit.

Ndërkohë, siç raporton CNN, janë konfirmuar tetë viktimat e para. Bilanci tragjik pritet të rritet në orët në vazhdim.

Estilen prej 11.03.11 14:40

Nje ngjarje e zakonshme,sepse shume fenomene te tjera natyrore kane qene me te ''egra'' se ky termet ne Japoni,prandaj mos beni rolin e sirenes se alarmit ju zoti Fikrro me keto sondazhe

**Xhemajl** prej 11.03.11 16:10

estilen shkruajti:Nje ngjarje e zakonshme,sepse shume fenomene te tjera natyrore kane qene me te ''egra'' se ky termet ne Japoni,prandaj mos beni rolin e sirenes se alarmit ju zoti Fikrro me keto sondazhe

Nuk besoj qe ështe edhe shum ngjarje e zakonshme z.Estillen, sepse sa degjova ne Tv thuhej se ishte njeri nder termetet me te forta qe ka goditur token.

Estilen prej 11.03.11 16:43

xhemajl shkruajti:
estilen shkruajti:Nje ngjarje e zakonshme,sepse shume fenomene te tjera natyrore kane qene me te ''egra'' se ky termet ne Japoni,prandaj mos beni rolin e sirenes se alarmit ju zoti Fikrro me keto sondazhe

Nuk besoj qe ështe edhe shum ngjarje e zakonshme z.Estillen, sepse sa degjova ne Tv thuhej se ishte njeri nder termetet me te forta qe ka goditur token.

Jo Xhemajli,ky nuk eshte as rasti i pare dhe as i fundit,Japonia eshte goditur edhe para 130 vjetesh nga nje termet me 9.0 balle ku demte materiale dhe njerzore kane qene te konsiderueshme.

Por ne se do ti krahasojme me zhvillimet e bujshme industriale te sotme,demet e atyre viteve duken te vogla.Per mua eshte shqetesues jo fenomeni,por shkalla e madhe e perqendrimit te banoreve ne gratacela dhe buze detrave e oqeaneve.

wolf27 prej 11.03.11 16:58

Astronomët dhe astrologët druhen se më 19 mars tokën e pret një ditë e zezë. Në këtë ditë hëna do afrohet me tokën më afër se kurrë, vetëm 356 577 kilometra. Për më tepër hëna do jetë e plotë ndaj ka disa shkencëtarë që druhen se kjo do të shoqërohet me fenomene të tilla si vullkane dhe tërmete. Që tani flitet në internet për “super-hënën” dhe për “moonaggedon”. Kur hëna iu afrua shumë tokës para disa vitesh ndodhi tsunami i tmerrshëm që mori qindra mijëra jetë. Por ka shumë shkencëtarë që thonë se nuk duhet të shqetësohemi.

shkelzeni prej 12.03.11 7:37

krejt senet qi i thojn termet ka me ndodh rrena jon se ne te 2012 ka me ndodh termet ska termet kosoven smunet me godit as cunami

kalideris prej 12.03.11 8:30

kam frike se kjo eshte e vertet a e pate se cndodhi dje ne Japoni nje termet 8.9 righter e tronditi dhe nje super cunami me vone beri shume deme.... sipas mendimit tim kto jane ditet e fundit ajo cka thote Bibla dita e Zoterise eshte afer... . per mua po jetojme ne ditet e fundit apokalipsi eshte afer!!!!!!!!!!!

wolf27 prej 12.03.11 11:11

kalideris shkruajti:kam frike se kjo eshte e vertet a e pate se cndodhi dje ne Japoni nje termet 8.9 righter e tronditi dhe nje super cunami me vone beri shume deme.... sipas mendimit tim kto jane ditet e fundit ajo cka thote Bibla dita e Zoterise eshte afer... . per mua po jetojme ne ditet e fundit apokalipsi eshte afer!!!!!!!!!!!

veshtire te thuhet kjo sepse njeriu ka vene gisht mbi natyren dhe shume gjera kane per te ndodhur por biblen nuk ka arritur njeri ta deshifrojre deri me sot.

**Fikrro** prej 12.03.11 11:44

Japoni: Shpërthim në centralin atomik në Fukushima

Një shpërthim është dëgjuar në centralin bërthamor të Fukushimës disa minuta më parë, ndërsa televizionet japoneze po transmetojnë pamje të punëtorëve të plagosur duke u marrë nga ambulancat, raporton Top Channel, duke transmetuar informacione nga agjencitë botërore.

Ende nuk janë të qarta përmasat e tragjedisë, ndërsa brenda impiantit mund të ketë edhe të vdekur. Për momentin dihet se është gjetur material radioaktiv jashtë centralit, i vazhdon të jetë në këmbë dhe pa dëme të dukshme.

Nëse më e keqja po ndodh dhe reaktori po shkrihet, toka, uji dhe ajri mund të ndodhen me material radioaktiv, në gjendje të për udhëtuar në të gjithë planetin.

Tërmeti me magnitudë 8,9 të shkallës rihter që goditi mëngjesin e djeshëm Japoninë (me orën tonë), shkaktoi dëmtime në sistemin e ftohjes së reaktorit dhe ai mund të jetë mbinxehur deri në pikën e shkrirjes.

Sipas asaj që raportojnë mediat ndërkombëtare, material radioaktiv është gjetur jashtë centralit, ku dyshohet se një reaktor mund të ketë arritur nivelin e shpërthimit, si pasojë e mbinxehjes pas dëmtimit që tërmeti i shkaktoi një ditë më parë sistemit të ftohjes.

Një zonë prej 2,5 kilometrash rreth centralit është evakuar plotësisht për arsye sigurie.

Shpërthimi i vetëm i një centrali bërthamor në kohë paqe ka ndodhur në vitin 1986 në Çernobil dhe disa dhjetëra mijëra persona në zonat përreth, por edhe me mijëra kilometra larg vendnodhjes, gjetën vdekjen.
Ndërkohë, edhe dy tërmete të fortë e kanë goditur të shtunën në mëngjes rajonin veriperëndimor nga Tokio, lajmëroi Agjencia Meteorologjike e Japonisë.

Sipas agjencisë japoneze të lajmeve Kyodo, tërmetet kanë qenë të fuqisë 6,6 dhe 5.8 shkallë të Richterit.

Ndërkohë raportohet se, së paku, nga tërmeti i së premtes me fuqi prej 8.9 ballë të Richterit, më të fortin që e ka goditur Japoninë në 140 vitet e fundit dhe që shkaktoi cunami në Paqësorin, kanë vdekur mbi 320 persona.
Numri zyrtar i të vdekurve nga tërmeti është thënë të jetë 137, por mediat japoneze frikohen se ka mbi një mijë të vdekur dhe mijëra të tjerë të zhdukur.

Televizioni japonez ka prezantuar incizimet e dëmeve të mëdha të shkaktuar nga cunami, pas tërmetit shkatërrues në Japoni me fuqi prej 8.9 ballë të Richterit, që paraqet dridhjen më të fuqishme në këtë vend që nga viti 1800, kur ka filluar matja e dridhjeve të tokës.

Mirëpo, në mesin e këtyre, nuk janë llogaritur edhe viktimat e cunamit, që me siguri ka edhe më shumë, pasi sipas policisë dhe agjencive të lajmeve, 200-300 trupa të pajetë janë parë në qytetin Sendai, i cili u godit më së shumti nga valët e larta 10 metra dhe me fuqi shkatërruese të ujit të oqeanit, që u shkaktuan si pasojë e tërmetit.

Nexus prej 12.03.11 14:30

nexus shkruajti:Numri 11 eshte numer i transformimi pra i nje ndryshimi te madh.

Per ata qe marrin vesh kjo ishte nje paralajmerim dhe shume e kuptueshme.

enya prej 12.03.11 16:06

O cuna, qe kjo eshte veper e nderhyrjes se njeriut

ruhan prej 13.03.11 1:05

Shërbimi gjeologjik amerikan ka njoftuar se tërmeti shkatërrimtar që goditi Japoninë ishte më i fuqishmi në atë rajon në 1 mijë e 200 vjetët e fundit.

Dejvid Eplgejt, specialist për tërmete dhe rreziqe gjeologjik, ka thënë se tërmeti prej 8,9 ballë të Rihterit është shkaktuar nga çarja e tokës në gjatësi prej 240 kilometra dhe gjerësi prej 80 kilometrash.

ruhan prej 13.03.11 1:10

NASA ka bërë të ditur se tërmeti në Japoni ka shkurtuar zgjatjen e ditës për 1,6 mikrosekonda.Ndryshimi i shpejtësisë së rotacionit të Tokës është pak më i madh se sa ai i vitit të kaluar të cilin e shkaktoi tërmeti në Kili.

Gjeofizikani i NASA-s, Riçard Gros, ka thënë se tërmeti i fuqisë 8,9 ballë sipas Rihterit ka përshpejtuar lëvizjen e Tokës për 1,6 mikrosekonda.

Ndryshimin më të madh të lëvizjes së Tokës e ka shkaktuar tërmeti në Sumatra në vitin 2004, i cili ka shkurtuar ditën për 6,9 mikrosekonda. Tërmeti i djeshëm në Japoni është i pesti për nga fuqia në botë që nga viti 1900.

Shkencëtari nga Instituti gjeologjik amerikan (USGS), Brajan Etvoter, ka thënë se energjia e liruar nga tërmeti është ekuivalente me shpenzimin një mujor të energjisë në SHBA.

Ken Hadnat, nga USGS, ka thënë se fuqia e tërmetit ishte aq e fuqishme sa që e ka zhvendosur ishullin japonez Honshu për 2,4 metra drejt lindjes, derisa Instituti italian për gjeofizikë dhe vullkanologji ka bërë të ditur se boshti i rotacionit të Tokës është zhvendosur për rreth 10 centimetra.

**Fikrro** prej 13.03.11 12:07

Tsunami, japonezi mbijeton dy dite mes detit

Një japonez 60 vjeç u shpëtua sot 15 kilometra nga bregu verilindor i Japonisë pasi ka qëndruar dy ditë i kapur pas një pjese të çatisë së shtëpisë së tij të rrëmbyer nga tsunami, njoftoi Ministria e Mbrojtjes.
Hiromitsu Shinkawa u mor nga një destrojer i marinës në afërsi të rajonit Fukushima rreth orës 12:40 locales (03:40 GMT), shtoi ministria.
Personi është në gjendje të mirë shëndetësore, por megjithatë ai u dërgua me helikopter në një spital, shtoi burimi.

Sipas agjencisë Xhixhi, ky banor i qytetit Minamisoma u tregoi skuadrave të shpëtimit se kishte filluar të vraponte kur mësoi se po vinte cunami".
"Por, u ktheva për të marrë diçka në shtëpi dhe ai më arriti. U kapa në një pjesë të çatisë së shtëpisë sime që më shpëtoi jetën", shtoi ai.

Bilanci i fundit zyrtar i tërmetit me fuqi 8,9 ballë dhe cunamit që pasoi vlerësohet nga policia në 1600 të vdekur, 642 të zhdukur dhe 1 570 të plagosur. Shefi i policisë së prefekturës Miyagi njoftoi se pret që bilanci ta kalojë shifrën 10 000 të vdekur vetëm në këtë rajon.

**Fikrro** prej 13.03.11 12:10

Mbi 10 mijë viktima në Japoni

Në tërmetin më të rëndë në historinë e Japonisë me një cunami pasues mund të kenë humbur jetën më shumë se 10 mijë veta. Megjithatë, përmasat e vërteta të katastrofës nuk janë të parashikueshme.

Vetëm në një qytezë në provincën e prekur rëndë Miyagi autoritetet nuk kanë lidhje me gati 10 mijë banorë. Kjo është gjysma e popullsisë së qytezës. Sipas njoftimeve të mediave rreth 390 mijë veta kanë marrë arratinë prej shkatërrimeve. Në pesë provinca janë ngritur më shumë se 1.400 kampe emergjence. Qeveria e dyfishoi numrin e ushtarëve për mbështetjen e forcave të shpëtimit në 100 mijë, raportoi Deutsche Welle.

Ndërkaq ndihmësit e parë gjermanë të Qendrës së Ndihmës Teknike (THW) mbërritën në Japoni. SHBA-ja do të ndihmojë me dy aeroplanmbajtëse. Gjithsej 70 vende kanë premtuar mbështetje. Fuqia e tërmetit të së premtes jepet nga autoritetet me 9,0 ballë.

Pas tërmetit shkatërrimtar të së premtes qeveria japoneze nuk e përjashton më mundësinë, që në dy reaktorë të impiantit bërthamor Fukushima 1 të dëmtuar rëndë të ketë pasur shkrirje bërthamore të pjesshme.

“Por, kjo nuk mund të konfirmohet, sepse nuk mund të verifikohet se çfarë po ndodh në reaktorë|, tha zëdhënësi i qeverisë Yukio Edano. Në të njëjtën kohë ai paralajmëroi se në reaktorin 3 mund të ndodhë një shpërthim për arsye të grumbullimit të mundshëm të hidrogjenit. “Por, bërthama e reaktorit mund të mbetet në rregull”, tha ai.

Të shtunën një shpërthim pati shkatërruar ndërtesën e bllokut 1. Jashtë centralit ishin matur vlera rrezatimi shumë të rritura. Operatorët po përpiqen ndërkohë të arrijnë ftohjen e reaktorëve me ujë deti. Më shumë se 200 mijë veta në një rreze prej 20 kilometrash u çuan në vende të sigurta. Ndërkohë radioaktivitet i rritur u konstatua edhe rreth centralit bërthamor Onagawa.

**Fikrro** prej 13.03.11 21:20

Situatë e jashtëzakonshme edhe në centralin bërthamor Onagava

Autoritetet japoneze kanë njoftuar Agjencinë ndërkombëtare për energji bërthamore (IAEA) se për shkak të rrezatimit të shtuar radioaktiv kanë shpallu situatë të jashtëzakonshme edhe në centralin tjetër bërthamor, në Onagava të prefekturës Mijagi, në të cilën pas tërmetit të së premtes ka shpërthyer zjarri.

Para kësaj, qeveria japoneze ka tërhequr vërejtjen edhe për një shpërthim të mundshëm në centralin bërthamor Fukushima 1, ku të premten ka pasur një shpërthim pas të cilit ka pasur rrjedhje të materieve radioaktive.

Autoritetet japoneze po bëjnë përpjekje për të penguar shkrirjen e bërthamës atomike në dy reaktorë të këtij centrali, që shtrihet rreth 250 km në verilindje të Tokios. Pas shpërthimit të djeshëm në Fukushima 1 janë rrënuar kulmi dhe muret rreth reaktorit të parë, mirëpo rreziku ekziston edhe në reaktorin e dytë të këtij centrali për shkak të mosfunksionimit të sistemit të ftohjes.

Sipas të dhënave të IAEA tashmë janë evakuuar 170 mijë banorë rreth centralit Fukushima, kurse edhe 30 mijë të tjerë po përgatitet të evakuohen. Deri tash në spital janë dërguar 22 persona për arsye të ekspozimit ndaj radioaktivitetit, por nuk dihet më shumë për gjendjen e tyre shëndetësore.

Kësaj katastrofe të madhe që goditi Japoninë nga tërmeti më i fuqishëm i regjistruar deri tash, nga pasojat shkatërruese të cunamit e së fundi edhe rrezatimit radioaktiv, brenda tri ditësh mund t’i bashkëngjitet edhe një tjetër. Sizmologët japonezë kanë paralajmëruar se brenda tre ditëve Japoninë mund ta godasin edhe një sërë tërmetesh me fuqi mbi 7 ballë të Rihterit, gjë që do të shkaktonte viktima të reja, cunami të mundshme, si dhe rrënime të reja të banesave, por edhe të reaktorëve bërthamorë, një pjesë e të cilëve tashmë janë dëmtuar seriozisht.

Pas angazhimit fillestar të 50 mijë ushtarëve, autoritetet japoneze kanë shtuar numrin e ushtarëve për ofrimin e ndihmave në gjithsej 100 mijë, përkatësisht 40 për qind të numrit të përgjithshëm të forcave të armatosura të Japonisë.

Gjendja është katastrofave miliona njerëz kanë mbetur pa furnizime me ushqime, ujë të pijshëm dhe energji elektrike. Sipas agjencisë amerikane të lajmeve, pa ujë kanë mbetur 1.4 milion familje, kurse pa energji elektrike 2.5 milionë familje. Sipërfaqe të mëdha rurale janë të rrethuara nga uji i oqeanit dhe të izoluara nga bota.
Bota po solidarizohet me qytetarët e Japonisë. Aty tashmë kanë arritur ekipe të ndryshme shpëtimi nga SHB-ja, Kina, Gjermania, Britania e Madhe, Franca, Zvicra, Kora Jugore, Zelanda e Re, Singapori, Australia etj. Gjithsej janë paraqitur për ndihma 5 organizata ndërkombëtare humanitare dhe 69 shtete të botës.

Mbi 10 000 të vdekur në Miyagi

Më tepër se 10 000 persona mund të kenë vdekur gjatë tërmetit dhe cunamit që shkatërroi prefekturën Miyagi, më e afërta me epiqendrën, njoftoi sot shefi i policisë lokale, i cituar nga televizioni publik NHK.

Naoto Takeuchi shpjegoi se nuk kishte "asnjë dyshim" lidhur me faktin se numri i të vdekurve do ta kalojë shifrën 10 000.
Dje, NHK njoftoi se 10 000 nga 17 000 banorët e qytetit bregdetar Minamisanriku konsiderohen të zhdukur në këtë prefekturë.

Ndërkohë, tekniket japonezë po luftojnë për të ulur presionin në një reaktor tjetër berthamor të demtuar pas termetit qe shkaktoi nje cunami katastrofal diten e premte, 11 Mars. Zyrtare thane se reaktori N 3 humbi sistemin emergjent te ftohjes, nje problem i ngjashem shkaktoi shperthimin e reaktorit nje diten e shtune.

Me shume se 170 mije vete jane evakuzuar nga zona e rrezikut. Nderkohe rreth 1 700 njerez humben jetën pas termetit që shkaktoi cunami në veri lindje të Japonisë. Autoritetet po vazhdojnë perpjekjet per t’u ardhur ne ndihme banoreve ndersa numri forcave te shtepimit eshte dyfishuar me 100 mije. Ndërkohë kryeministri japonez Naoto Kan u bëri thirrje njerëzve të zhvendosen të paktën 20 kilometra largë uzinës bërthamore në të cilën dje ndodhi një shpërthim i madh. Kryeministri Kan tha se përparësia kryesore është siguria e popullatës në rajonet rreth uzinës Fukushima.

Në Fukushima, mund të shihen shtëllunga tymi që dalin nga ndërtesa e reaktorit bërthamor.

Mediat japoneze thonë se pas shpërthimit niveli i radioaktivitetit jashtë reaktorëve është rritur. Agjencia Ndërkombëtare e Energjisë Atomike tha se po mbledh më shumë informacione mbi situatën e krijuar. Para shpërthimit, autoritetet thanë se janë gjetur materiale radioaktive jashtë njërit prej reaktorëve që kishte humbur furnizimin me energji dhe nuk mund të ftohej. Kryeministri Kan përmendi gjithashtu bisedën me presidentin Obama, i cili i shprehu ngushëllime, dhe ofroi të japë çfarëdo lloj ndihme që nevojitet.Mendimet dhe lutjet tona janë me popullin e Japonisë.

Kjo është një fatkeqësi katastrofike, imazhet e shkatërrimit dhe përmbytjeve që vijnë nga Japonia janë të dhimbshme. Japonia është një nga aleatët tanë më të fuqishëm e më të ngushtë dhe këtë mëngjes pata një bisedë me kryeministrin Kan. Në emër të popullit amerikan, shpreh ngushëllimet më të thella, veçanërisht për viktimat dhe familjet e tyre dhe i kam ofruar çfarë do ndihme që u duhet miqve tanë japonezë.”

Mbi 170 mijë njerëz lënë Fukushimën

Mijëra njerëz janë larguar nga Fukushima, pas shpërthimit të centralit bërthamor. Sipas agjencive, ekziston rrezik i madh që të ndodhë një shpërthim më i fuqishëm dhe me pasoja të paparashikueshme nga centrali atomik, tashmë i dëmtuar, në fukushima. Agjencia Meteorologjike e Japonisë ka ngritur fuqinë e tërmetit të së premtes në magnitudën 9, duke e bërë atë tërmetin më të fortë që ka ndodhur ndonjëherë.

Sipas raporteve të agjencive, numri i konfirmuar i të vdekurve nga tërmeti dhe cunami pasues në Japoni është rreth 900.
Zyrtarët shprehin drojën nga rrjedhja e materieve radioaktive në uzinat e energjisë, pasi është dëmtuar edhe një sistem ftohës dhe sistemet e rrezatimit tanimë kanë kaluar limitet ligjore.

Agjencia Ndërkombëtare e Energjisë Bërthamore, e cila mbikëqyret nga Kombet e Bashkuara, tha se mbi 170 mijë njerëz janë evakuuar nga rajoni.

Lidhur me gjendjen e reaktorit të dytë, shefi i kabinetit, Juko Edano, tha:
“Dua t’ju tregoj për reaktorin Numër Tre. Kemi supozuar se do të kishte një shans për të, por funksioni i furnizimit me ujë të reaktorit ka ndaluar. Aktualisht jemi duke punuar në shpëtimin e tij”.
Sipas agjencisë bërthamore të Japonisë, aksidenti atomik në Fukushima ka qenë i nivelit 4 në shkallën prej 1 deri në 7.Lajmin e ka bërë të ditur Agjencia Japoneze për Sigurinë Bërthamore dhe Industriale.

Ndërkohë 9 persona të evakuuar në zonat pranë çentralit, janë ekspozuar ndaj rrezatimit dhe janë shtruar menjëherë në spital.
Bëhet fjalë për banorë që jetojnë në një rreze pak më të madhe se 3 kilometra nga çentrali.

Rrezatimet janë zbuluar në veshjet e tyre dhe nuk është parë e nevojshme fillimi i proçedurave të dekontaminimit.
Në zonë, autoritetet janë të frikësuar për dëmet e shkaktuara nga impianti bërthamor.

Banorët janë në radhë të gjata për të marrë ujë të pijshëm.
Katastrofa bërthamore e Çernobilit, në 1986, u vlerësua e nivelit 7, ndërsa incidenti i 1979-s në Three Mile Island i nivelit 5.
Shpërthimi në impiantin e Fukushimas ka hedhur material radioaktiv në rrethinat përreth, ndërsa autoritetet evakuuan banorët 20 kilometra përreth zonës.

Rrjetet ndërkombëtare raportuan se si rrjedhojë e mbinxehjes së reaktorit bërthamor, një shpërthim i fuqishëm u regjistrua të shtunën në orën dhjetë dhe pamjet e televizioneve japoneze treguan ambulanca që i vinin në ndihmë punëtorëve të plagosur.

**Fikrro** prej 13.03.11 21:37

No comment

enya prej 13.03.11 22:17

Mu renqeth trupi lol, as filmi mbi 2012 nuk ka qene kaq i tmerrshem sa keta pamje!!!
Ajo shprehja qe keni zgjedhe per kete jave ne forum, meriton te vihet si teme tek keto foto, fatkeqesi lol se c'a jemi duke i bere Tokes sone!

arbri1994 prej 15.03.11 0:29

Shkencetaret:Tirana ne listen e rrezikuar nga termetet

Studimi, edhe Tirana në listën e 9 metropoleve në rrezik nga tërmetet
Përfundimet e një studimi të Universitetit të Kalifornias në SHBA, janë ndoshta të mjaftueshme për të ngjallur frikë edhe tek ne në Shqipëri. Tirana renditet në listën e 9 metropoleve të botës në rrezik nga tërmetet.

Studimi i publikuar në gazetën amerikane, "Nju Jork Tajms", dhe në gazetën italiane, "La Repubblica", në fillim të këtij muaji, thotë se brenda 40 viteve të ardhshme, këto metropole kanë gjasa të goditen nga tërmetet dhe jo vetëm kaq.

Sipas studimit, për shkak të mbipopullimit të shpejtë dhe ndërtimeve që janë përpjekur të ndjekin ritmin e mbipopullimit, do të mjaftonte që goditja të ishte 6 deri në 7 ballë që pasojat të ishin shkatërruese në këto metropole. Më poshtë është artikulli i gazetës italiane, "La Repubblica", mbi studimin e profesorit amerikan të Kalifornias, ku Tirana renditet në 4 metropolet e Europës në rrezik.

STUDIMI I UNIVERSITETIT TË KALIFORNIAS:

Ja kryeqytetet në rrezik nga tërmetet, ku brenda 40 viteve parashikohet një tërmet shkatërrues

Stambolli - Turqi
Karaçi - Pakistan
Katmandu - Nepal
Lima - Peru
Teherani - Iran
Lisbona - Portugali
Mesina - Itali
Tirana - Albania
Athina - Greqi

*****
Luigi Bignami
"La Repubblica"

Studimi në universitetin e Kalifornisë mbi tërmetet: "Brenda 40 viteve, vdekje dhe shkatërrime për shkak të shtëpive të vjetra, apo të ndërtuara keq". Ja kryeqytetet në rrezik

Rritja e popullsisë urbane që do të shtohet rreth 2 miliard brenda gjysmës së këtij shekulli po "prodhon" pa e kuptuar, një armë të fuqishme të shkatërrimit në masë: shtëpitë. Kështu e nis komentin e vet në përfundim të një studimi, Roxher Bilham, profesor i Universitetit të Kalifornisë. Në studimin e tij është publikuar edhe një "hartë e ardhshme tërmetesh", pra një listë e qyteteve kryesore që rrezikohen më shumë në botë. Bëhet fjalë sipas studimit, për qytete ku ka gjasa të ndodhë një tërmet katastrofik në 40 vitet e ardhshme.

«Duket se lëvizjet sizmike preferojnë të godasin atje ku janë pikat tona të dobëta" - ka thënë Mustafa Eridk, drejtor i Institutit të inxhinierisë në Stamboll, duke analizuar studimin e profesor Bilham dhe letrën e tij botuar në gazetën "Nju Jork Tajms".

Stambolli, p.sh., është një qytet "i dobët" për sa i përket pikëvështrimit sizmik. Ai është rritur me një shpejtësi të madhe. Në vetëm 50 vjet ka kaluar nga 1 milion në 10 milionë njerëz, të cilët jetojnë pjesën më të madhe në ndërtime të kryera pa asnjë kriter antitërmet, apo antisizmik.

Një tërmet, si ai që goditi Haitin, në Stamboll mund të shkaktojë nga 30 deri në 40. 000 viktima dhe të lëndojë të paktën 120.000. Janë të shumta ndërtesat e bëra në lartësi pa marrë parasysh kapacitetet strukturore të kolonave apo të mureve mbështetëse. Ka prej tyre që janë të rrezikshme edhe pa pasur lëkundje sizmike. Shumë ndërtime të bëra me rërë deti dhe hekur, janë edhe më të brishta ndaj lëkundjeve sizmike.

«Janë bomba me sahat edhe Karaçi në Pakistan, Katmandu në Nepal, Lima në Peru dhe disa qytete të tjera të mbipopulluara me shpejtësi", - shpjegon Bilham, në "New York Times".
Për Teheranin, Bilham ka llogaritur që një lëkundje si ajo e Haitit, mund të sjellë vdekjen e 1 milion njerëzve. Në fakt, për sa i përket Teheranit, disa gjeologë iranianë shumë herë i kanë bërë presion qeverisë për ta spostuar kryeqytetin, i cili gjendet pikërisht mbi një epiqendër sizmike shumë aktive.

Por, situata është e rëndë edhe në qytete të vendeve të industrializuara, apo në zhvillim. Pra, edhe në Europë. Në Lisbonë, Mesinë, Tiranë, Athinë ka gjasa që lëkundjet sizmike, edhe pse jo të forta (6°-7° Rihter) të jenë katastrofike. Dhe të mos harrojmë: Ndërtimet janë vetëm një nga grackat vdekjeprurëse në raste tërmetesh.

Tërmete të fuqishme në gjithë botën, çfarë po na ndodh?

Përshtypja se numri i tërmeteve është shtuar ka tërhequr vëmendjen e alarmuar njerëzit. Por shkencëtarët thonë se me gjithë përshtypjen e krijuar, atyre ende u duhet ta provojnë se numri i tërmeteve në botë është rritur.

Shkatërrimi i Haitit pas tërmetit

Një tërmet i madh tronditi së fundi Turqinë Lindore të hënën në mëngjes. Ai arriti shkallën 6.0 sipas Rihterit dhe deri tani mendohet se ka marrë jetën e 57 vetëve.

Në shumë vendbanime u shkatërruan shtëpi. Pamje nga dëmtimet në fshatin Okcular, në Lindje të Turqisë.Bildunterschrift: Großansicht des Bildes mit der Bildunterschrift: Pamje nga dëmtimet në fshatin Okcular, në Anadollin Lindor

Ndërkohë, tërmete të mëdha në Tajvan, Kili dhe Haiti vazhdojnë të dominojnë titujt e lajmeve. Por megjithëse ka evidenca që sugjerojnë se këto tërmete mund të kenë lidhje me njëra-tjetrën, një lidhje midis tyre ende nuk është konfirmuar shkencërisht, thonë shkencëtarët.

Numri i tërmeteve rreth globit mbetet konstant, me gjithë lëkundjet, thotë Wolfgang Frederich, profesor i shkencave që merren me studimin e tokës pranë universitetit Ruhr në Bohum. Statistika nga programi i SHBA për vëzhgimet gjeologjike të tërmeteve tregojnë se numri i tërmeteve midis shkallës 7.0 dhe 7.9 Rihter ka mbetur në dekadën e fundit mjaft konstant, me një mesatare prej 13 tërmetesh në vit.

Në këtë periudhë kohe nuk ka pasur më shumë se katër tërmete të shkallës 8.0 deri në 9.0 ballë. Ndërsa numri i tronditjeve të vogla dhe i shokëve që janë matur është thuajse i pafund, thotë Fridrih nga Universiteti Ruhr.

Rrethi i zjarrit

Toka përbëhet nga katër shtresa: nga shtresa e brendshme, shtresa e jashtme, manteli dhe korja. Korja dhe manteli i sipërm krijojnë litosferën, një shtresë me trashësi 50 km dhe kjo përbëhet nga të ndara që quhen pllaka tektonike. Këto pllaka dihet që e ndryshojnë pozicionin dhe kanë shumë defekte. Shumica e tërmeteve ndodhin përgjatë vendeve me defekte. "Pllakat mund të lëvizin horizontalisht ose vertikalisht, në atë mënyrë që një pllakë lëviz nën një tjetër", thotë Fridrih.

Shumica e tërmeteve ndodhin në zonën e Paqësorit, të njohur si Rrethi i Zjarrit, një rajon që rrethon bregdetin e Oqeanit Paqësor përgjatë vendeve si Zelanda e Re, Japonia, Alaska dhe Kili.

Koincidencë apo lidhje?

Sipas Fridrihut, modelimet sizmologjike dhe kalkulimet matematikore të shtypjeve dhe të presioneve kanë treguar një rritje të presioneve në pjesë të tjera të botës, pasi ndodh një tërmet. Kjo, e kombinuar me të dhëna statistikore ka krijuar një teori, që tërmet e mëdha si ato të fundit në Haiti dhe Kili mund të rrisin presionin në një pjesë tjetër të pllakës tektonike dhe ta ulin në një pjesë tjetër, duke shkaktuar potencialisht një tërmet pasues në një pjesë tjetër të Botës.

"Problemi është që ti duhet ta provosh se kjo nuk është koincidencë, gjë që është me të vërtetë e vështirë," thotë ai.

Disa shkencëtarë thonë se ata janë relativisht të siguritë, se pas një tërmeti, presioni rishpërndahet në pjesë të tjera të një pllake tektonike. Por lidhja e këtij efekti me një tërmet të dytë, të mëvonshëm nuk është kaq e thjeshtë, thonë ata.[img][/img]

tonin kacaj prej 15.03.11 0:39

nuk e di por me duken mjaftueshem shenja duke marre parasysh dhe biblen qe te mendoj qe ndoshta jemi drejt fundit.uroj qe mos te jete keshtu si mendoj une.

**Fikrro** prej 15.03.11 15:02

Japoni, gjendet e gjalle nen rrenoja foshnja 4 muajshe

Nje mrekulli ka gezuar nje familje ne Japoni. Foshnja e tyre e zhdukur prej dites se premte qe ra termeti me intensitet 8.9 balle i shkalles Rihter u gjet e gjalle. Vajza u gjet nen rrenoja e dehidratuar por ne gjendje te mire shendetesore. Ngjarja e rralle ka ndodhur ne qytetin e Ishinomaki ne shtetin e Miyagi, nje nga me te prekurit nga katastrofa. Per tre dite me radhe, babai i vogelushes tregon qe nuk kishte asnje shprese se do ta gjente te gjalle te bijen. Por ja qe mrekullite ndodhin.

tonin kacaj prej 16.03.11 12:48

nuk e di cfare te mendoj me per fenomenin natyre.po behet e pa perballueshme dhe e pa kapshme per nga veprimi.nje femije qe njoh une ate dite ne 7 te mengjesit i ka thene prinderve qe dicka e keqe i ka ndollur tokes ;sapo ishte ngritur nga gjumi.dhe po ai femije thote qe eshte vetem fillimi.brenda ketij viti thote qe do kete ngjarje te tjera.dhe mendo qe femija nuk dinte asgje rreth termetit dhe tcunamit gjersa eshte kthyer nga shkolla.nuk dua qe te besoj por une ati femije i besoj sepse di shume gjera.

abramelin prej 16.03.11 13:24

po mir mor zoteri ky femi ku gjindet???
ne Shqiperi a kosov apo ne Japoni???

dhe ku e ke lexuar apo e ke pa ti me syt e tu ???

**Fikrro** prej 16.03.11 15:58

Përse nuk qajnë japonezët?

Gjatë ditëve të fundit jemi “bombarduar” me imazhe që tregojnë dëmet që ka shkaktuar tërmeti dhe cunami që pasoi në Japoni.

Kemi parë ndërtesa të shkatërruara, zjarre dhe mbytje, por tërheq vëmendjen fakti që nuk na ka zënë syri asnjë japonez duke qarë.

Kjo ka të bëjë me ndryshimet kulturore të vendeve të ndryshme. Britanikët njihen për kontrollin e emocioneve të tyre, pozitive apo negative qofshin. Kjo gjë për ta është sjellja e duhur për respektimin e tjetrit. Japonezët, nga ana tjetër “fshehin” vetëm emocionet negative për një arsye: respektimi i njerëzve të tjerë që i rrethojnë.

Sipas tyre, dhimbja që ata ndjejnë mund të shtojë dhimbjen e të tjerëve. Të tregosh vuajtjen do të thotë të ngarkosh me energji negative ata që na duan ose që thjesht na rrethojnë.

Kjo është arsyeja që nuk kemi parë imazhe vuajtjeje apo njerëz duke qarë si në rastin e tragjedisë së Haitit apo pas cunamit në Tajlandë.

Të vetmit që janë fotografuar duke qarë janë fëmijët. Ata janë të vetmit që e shprehin hapur vuajtjen e tyre. Ka mundësi që globalizimi po ndikon edhe në Japoni.

TCH

enya prej 16.03.11 16:58

tonin kacaj shkruajti:nuk e di cfare te mendoj me per fenomenin natyre.po behet e pa perballueshme dhe e pa kapshme per nga veprimi.nje femije qe njoh une ate dite ne 7 te mengjesit i ka thene prinderve qe dicka e keqe i ka ndollur tokes ;sapo ishte ngritur nga gjumi.dhe po ai femije thote qe eshte vetem fillimi.brenda ketij viti thote qe do kete ngjarje te tjera.dhe mendo qe femija nuk dinte asgje rreth termetit dhe tcunamit gjersa eshte kthyer nga shkolla.nuk dua qe te besoj por une ati femije i besoj sepse di shume gjera.

Me keto qe thua ti,i bie qe ky femija 7 vjecar te jete o antikrishti ose i biri i antikrishtit
Mos te te genjeje nje femi, lol

tonin kacaj prej 16.03.11 17:57

abramelin shkruajti:po mir mor zoteri ky femi ku gjindet???
ne Shqiperi a kosov apo ne Japoni???

dhe ku e ke lexuar apo e ke pa ti me syt e tu ???

Ky femi gjendet ne Shqiperi dhe e kam degjuar une me veshet e mi.
Nuk eshte 7 vjecar dhe pse duhet te jete medeomos i biri i antikrishti?
Pse sipas teje Nostradamos i biri i antikkrishtit ishte?
Me vjen keq qe logjikon ne kete menyre eshte nje femi shume inteligjent dhe krejt i vecante.

enya prej 16.03.11 21:11

Inteligjenca e nje femije nuk matet me parashikimin e katastrofave.

Ngaqe jam skeptik ndaj rasteve te tilla, apo edhe ndaj vete Nostradamusit u shpreha ne ate menyre, duke ironizuar ne nje ane ato parshikimet qe do na vije antikrishti qe ka aftesi parashikimi te katastrofave etj etj.
Me shume kemi te bejme me krijimin , planifikimin dhe blerjen e se ardhmes nga nje kaste shume e larte, qe synojne qe e ardhmja te jete sipas atyre parashikimeve te nostradamus apo ndonje profecie sharlatanesh, se sa parashikim te sakta. Njerezit perdoren vazhdimisht per keto interesa.

Apo duhet tani te besojme edhe ate qe pat thene ajo "profetja anila": "kam zhdukur disa here henen me fuqine qe kam" e paten shume qe i besuan.

Nuk kemi parashikim te se ardhmes por fabrikim te saj, qe mund te perdoren gjoja ca figura si nostradamus e shume te tjere si ata, vetem e vetem per ca qellime te caktuara.

tonin kacaj prej 17.03.11 0:17

enya shkruajti:Inteligjenca e nje femije nuk matet me parashikimin e katastrofave.

Ngaqe jam skeptik ndaj rasteve te tilla, apo edhe ndaj vete Nostradamusit u shpreha ne ate menyre, duke ironizuar ne nje ane ato parshikimet qe do na vije antikrishti qe ka aftesi parashikimi te katastrofave etj etj.
Me shume kemi te bejme me krijimin , planifikimin dhe blerjen e se ardhmes nga nje kaste shume e larte, qe synojne qe e ardhmja te jete sipas atyre parashikimeve te nostradamus apo ndonje profecie sharlatanesh, se sa parashikim te sakta. Njerezit perdoren vazhdimisht per keto interesa.

Apo duhet tani te besojme edhe ate qe pat thene ajo "profetja anila": "kam zhdukur disa here henen me fuqine qe kam" e paten shume qe i besuan.

Nuk kemi parashikim te se ardhmes por fabrikim te saj, qe mund te perdoren gjoja ca figura si nostradamus e shume te tjere si ata, vetem e vetem per ca qellime te caktuara.

Po shkruj dy thenje te vogla te ketij femije qe ta kuptosh sadopak te palexuara te padegjuara por te thena nga vete ai:
"universi eshte nje hapesire brenda hapesires, nje pafundesi brenda pafundesise, nje zot brenda nje zoti dhe burimi i dijes sime eshte mosdija, sa me e madhe mosdija aq me e madhe dija".
Tani komentoje si te duash.

**Fikrro** prej 17.03.11 12:22

SHBA: Japonia nuk tregon të vërtetën

Shtetet e Bashkuara janë vënë në alarm pas informacioneve se reaktori numër 4 në kompleksin 1 të Fukushimës, ka mbetur pa ujë, duke lënë kështu të ekspozuara shufrat bërthamore.

“Besojmë se uji ka zier deri në shterim”, njoftoi zëdhënësi i Komisionit Rregullator Nuklear në Amerikë, Gregory Jaczko.

Sipas tij, niveli i rrezatimit është ekstremisht i lartë dhe ndoshta në këtë pikë, masat korigjuese, mund të mos kenë efektin e shpresuar. Jazko mendon se dëmi në reaktor është më serioz nga sa e pranojnë japonezët dhe këshilloi amerikanët e ndodhur atje, të largohen nga një perimetër më i gjerë përreth centralit sesa pretendojnë ekspertët atje.

Deklaratat e tij hapin kështu një kapitull të ri në odisenë pesë ditore të përpjekjeve japoneze për të vënë nën kontrollo katër reaktorët e uzinës, të dëmtuar prej tërmetit dhe tsunamit shkatërrues të së premtes. Ajo nxjerr në pah edhe mosmarrëveshjet mes Uashingtonit dhe Tokios për këtë cështje, duke qenë se del në përfundimin se paralajmerimet e zyrtarëve japonezë, kanë qenë të pamjaftueshme dhe se kërcënimi i vërtetë që buron prej këtij kompleksi, është nënvleresuar.

Ndërkohë, është shënuar dhe rasti i parë i prekjes së një gazetari të huaj nga radiacionet. Lester Holt i NBC rrefeu pas kthimit nga Japonia ku raportoi mbi katastrofën, se ishte kontaminuar, por gjurmët e rrezatimit, të vëna re edhe tek disa bashkëpunëtorë të tij, janë të një niveli të ulët.

TCH

**Fikrro** prej 17.03.11 12:23

Tërmet në Kili

Instituti gjeofizik amerikan, USGS, regjistroi një tërmet me magnitudë 5.3 ballë sipas Richterit, në Kili.

Lëkundjet u konfirmuan edhe prej autoriteteve vendase të cilat saktësuan se tërmeti u ndje fuqishëm edhe në kryeqytetin Santiago, ku dridhjet e tokës kanë dëmtuar qindra ndërtesa.

Fatmirësisht deri më tani nuk njoftohen viktima në njerëz.

**Fikrro** prej 17.03.11 15:24

Efektet e para nga rrezatimi radioaktiv në Fukushima

Helikopterët ushtarak CH-47 Chinook kanë hedhur tonelata me ujë mbi reaktorët 3 dhe 4 në Fukushima, që ndodhet 220 kilometra nga Tokio.

Agjencia Ndërkombëtare e Energjisë Atomike ka njoftuar se 20 persona kanë shfaqur shqetësime shëndetësore dhe mendohet se kjo vjen nga niveli i lartë i rrezatimit, gjithashtu 19 kanë mbetur të dëmtuar ndërsa dy persona janë deklaruar të humbur nga dëmtimet në centralin e Fukushimas.

Operatorët e impiantit bërthamor të Fukushima, i dëmtuar nga tërmeti i së premtes së kaluar, kanë pompuar sërish ujin në reaktorët e tejnxehur, ndërsa SHBA-ja ka lëshuar alarmin në rritje në lidhje me shpërndarjen e radioaktivitetit, duke njoftuar për mbërritjen e aeroplanëve çarter për të evakuuar amerikanët nga Japonia.

Inxhinierët në garë me kohën po bëjnë përpjekjet maksimale për të ftohur dy prej reaktorëve, ndërsa japonezët po marrin në konsideratë një sërë zgjidhjesh.

Agjencia Bërthamore e SHBA-së bëri të ditur se vaska e ftohjes së reaktorit numër 4 mund të ketë mbaruar ujin.

Ndërkohë, policia japonezë ka raportuar se numër i personave të vdekur ka shkuar në 5 457, kurse 9 508 janë deklaruar të humbur dhe 2 409 të dëmtuar nga tërmeti dhe cunami që goditi Japoninë javën e kaluar.

**Fikrro** prej 17.03.11 15:25

Tërmet në kufirin Mali i Zi-Shqipëri

Enti Seizmologjik i Malit të Zi ka njoftuar se të enjten, rreth orës 22:52 ka regjistruar një tërmet në kufirin mes Malit të Zi dhe Shqipërisë, 20 kilometra në juglindje të Podgoricës.

Intensiteti i tërmetit ka qenë 3.7 njësi, sipas shkallës Richter, njoftuan mediat malazeze.

Epiqendra e kësaj dridhjeje të tokës është lokalizuar në një thellësi prej 15 kilometra.

Në Entin Seizmologjik të Malit të Zi thonë se, përveç panikut të banorëve të trevës, tërmeti nuk ka shkaktuar dëme materiale në lokalitetin e prekur.

enya prej 17.03.11 23:16

nexus shkruajti:
nexus shkruajti:Numri 11 eshte numer i transformimi pra i nje ndryshimi te madh.

Per ata qe marrin vesh kjo ishte nje paralajmerim dhe shume e kuptueshme.

Te kuptoj shume mire se cfare do te thuash me kete. Edhe pse nuk kam deshire te jete keshtu, bashkohem me ate qe ti pretendon, ndaj te njejten konsiderate me Ty, lol!

tonin kacaj prej 17.03.11 23:39

enya shkruajti:
nexus shkruajti:
nexus shkruajti:Numri 11 eshte numer i transformimi pra i nje ndryshimi te madh.

Per ata qe marrin vesh kjo ishte nje paralajmerim dhe shume e kuptueshme.

Te kuptoj shume mire se cfare do te thuash me kete. Edhe pse nuk kam deshire te jete keshtu, bashkohem me ate qe ti pretendon, ndaj te njejten konsiderate me Ty, lol!

pervec se tragjedia e 11 shtatorit dhe tani e japonise cfare tjeter ka ndodh apo cfare do te ndodhe se mua me duket koincidence mos patjeter cdo gje qe do te ndodh do ndodh ne keto data?

**Fikrro** prej 18.03.11 19:45

Rritet numri:Në Japoni 16 mijë e 600 të vdekur e të zhdukur

Një javë pas termetit katastrofal, bilanci tragjik njerëzve që pësuan vazhdon të rritet, e numri i të vdekurve tashme ka kaluar 16 mijë e 600 të vdekur e të zhdukur, pohojnë burimet japoneze. Në ndërkohë kanë vazhduar operacionet për të ftohur reaktorët e centralit bërthamor të Fukushimes. Situata duket të jetë stabilizuar, por ndalja e rrjedhjes ende nuk është arritur.

Kryeministri japonez Naoto Kan në televizionin kombëtar tha se në centralin bërthamor Fukushima situata mbetet shumë e rëndë, por “ne jemi shumë të vendosur për të gjetur një zgjidhje, dhe Japonia është e afttë si komb ta tejkalojë këtë tragjedi”.

**Fikrro** prej 20.03.11 12:11

Tsunami video - Miyako City, Iwate

**Fikrro** prej 21.03.11 20:02

Këtu në këtë video mund të shihni madhësin e valëve të cunamit të ndodhur në Japoni xhiruar nga disa persona me anije.

Dejanira prej 24.03.11 11:03

Termetet dhe te tilla fenomene katastrofike kane ndodhur dhe vazhdojne te ndodhin....dhe me interesantja esht se ne cdo kohe,njerezit kane menduar vec per apokalipsin.....esht absurde...jemi ne 2011 dhe akoma me keto supersticione te pabaza...fundi i botes do te vije kur ne mos ta besojme...do jete i papritur..sepse esht i paparashikueshem...

**Fikrro** prej 24.03.11 23:22

Dy tërmete të fuqishme godasin Tajlandën

Dy tërmete me fuqi 7.0 shkallë Rihter kanë goditur pjesën veriore të Tajlandës në kufi me Mjanmarin dhe Laosin, ka raportuar Instituti Gjeologjik amerikan.

Dëshmitarët thanë se lëkundjet janë ndjerë në Bangkok, Mjanmar dhe deri në kryeqytetin vietnamez, Hanoi, ku njerëzit janë evakuuar nga ndërtesat e larta, transmeton Reuters.

Zona e goditur, e njohur si Trekëndëshi i Arta, është burim tradicional i opiumit të paligjshëm.

Nuk ka raporte për viktima apo dëme.

**Fikrro** prej 27.03.11 11:24

Rrezatimi në Fukushima 10 milionë herë më shumë se normat e lejuara

Prania e lartë e rrezatimit në njërin nga reaktorët e centralit Fukushima ka penguar punëtorët në përpjekjet e tyre për stabilizimin e impiantit.

Të gjithë ata janë evakuuar pas gjetjeve të sasisë së madhe të radioaktivitetit në ujin që ka akumuluar reaktori numër 2. Kompania Tokio Electric Power tha se rrezatimi kalon për 10 milionë herë limitet e lejuara.

Në anën tjetër, autoritetet thonë se niveli i jodit radioaktiv në ujin e detit është rritur për 1 850 herë mbi vlerat normale.

Kreu i Agjencisë Ndërkombëtare për Energji Bërthamore tha se kriza në Japoni është larg fundit. Yukia Amano tha se mund të kalojnë javë të tëra deri në stabilizimin e centralit.

Zyrtarët e kompanisë kanë njoftuar se në pjesët tjera të centralit bërthamor punëtorët janë fokusuar në nxjerrjen e ujit të kontaminuar në tre nga gjashtë reaktorët nuklearë, dhe po bëjnë përpjekje që të gjejnë vend të sigurt për deponimin e këtij uji.

Kriza në centralin bërthamor në Fukushima, siç njoftojnë agjencitë, rreth 240 km në veri të Tokios, i ka lënë në hije përpjekjet e ekipeve shpëtimtare dhe ato për rindërtim pas tërmetit shkatërruese me fuqi 8.9 shkallë të Rihterit dhe cunamit, të cilët më 11 mars goditën këtë pjesë të Japonisë, me ç’rast vdiqën dhe konsiderohen të zhdukur mbi 27 mijë njerëz.

**Fikrro** prej 02.04.11 13:13

Pesë të pavërteta për tërmetet

Tërmeti dhe tsunami shkatërrues që goditi Japoninë u shoqërua në media me shumë informacione shpjeguese për vetë tsunamet, një fenomen natyror i cili për shumë njerëz është ende i paqartë se si formohet.

Megjithatë, në këtë “bombardim” informacioni, një prej gjërave më të dukshme ishin keqkuptimet dhe dhëniet e lajmeve të pavërteta. Një revistë italiane përmblodhi sot gabimet më të zakonshme që janë bërë në lidhje me lëkundjet e tokës.

Ngatërimi i fuqisë – Në momentin e parë të tërmetit, fuqia e tij nuk ishte e qartë, ndërsa në media mund të lexoje për një tërmet 6 ballë, 8 ballë apo 9 ballë. E vërteta është se ekzistojnë disa shkallë të ndryshme për të matur forcën e tërmeteve.

Më e përdorura është ajo Riechter. Në bazë të saj, tërmeti shkatërrues i 11 marsit kishte një fuqi goditëse të magnitudës 9. Nga ana tjetër, një njësi matëse si Mercalli, e përdorur shumë përpara Riechter-it dhe ende si referencë në vende europiane, do t’a pasqyronte tërmetin si të shkallës së gjashtë, në referencën e saj mbi fuqinë e tërmeteve.

Parashikimi i tërmeteve – Është thënë që njohja gjeologjike dhe ajo e lëvizjeve të pllakave, së bashku me hartën ku ndodhin goditjet, lejon që të parashikohen tërmetet. Thuhet edhe se në zonat ku bie një tërmet i fortë, ka pak gjasa të përsëritet një i tillë.

Këto janë bestytëni të gabuara, pasi me teknologjinë e sotme tërmetet janë absolutisht të paparashikueshëm. Nga ana tjetër, ndonëse është shumë e rrallë që epiqëndra të jetë ekzaktësisht e njëjta, një zonë ku bie një tërmet i fuqishëm ka më shumë probabilitet që të goditet përsëri.

Centralet bërthamore – Është shkruar se në momentin kur ishte ndërtuar centrali bërthamor i Fukushimës, nuk mund të dihej se zona ishte e rrezikuar prej tërmeteve.

Kjo është gjithashtu e pavërtetë. Kjo zonë është e njohur për aktivitetin e saj sizmik. Në fakt, në vitin 1923, ndodhi një tërmet i tillë që shkatërroi një pjesë të madhe të Tokios dhe epiqëndra atëherë ishte pikërisht në Fukushima.

Tërmeti më shkatërrues – Në përpjepje për të sensocionalizuar ngjarjen, shumë media e kanë cilësuar tërmetin e Japonisë si më shkatërruesin e historisë.

E vërteta është që ky tërmet nuk është as më i forti, as më i fuqishmi. Kili njohu në vitin 1960 një tërmet 9,5 të shkallës Riechter, ndërsa tsunami shkatërrimtar i vitit 2004 u provokua nga një tërmet me magnitudë 9,1 në det. Ndërsa më vdekjeprurësi ndonjëherë është ai i vitit 1556 në provincën kineze të Shanxit, i cili shkaktoi sipas burimeve të kohës 830 mijë viktima ose më shumë.

S’mund të ndodhte në Japoni – Ndonëse Japonia është vendi më i prekur në botë nga tërmetet, ekziston një besim se tërmetet në këtë vend janë të fortë ose mesatarë, por jo katastrofikë.

Ky është përsëri një mit i gabuar. Në rastin e tërmetit më të fortë në botë, në vitin 1960, u vlerësua se pllakat tektonike pranë Kilit po lëviznin me shpejtësi 8 centimetra në vit. Kjo është e njëjta shpejtësi që lëvizin drejt njëra-tjetrës dhe pllakat në Japoninë qëndore.

TCH

patrolla prej 11.04.11 1:57

jo fikrro nuk ashte paralajmerim
kjo asht lajmerim se jena te lajmeruar
se mund edhe neve t na godas kjo gje
kto jan shembull per boten dhe njerzit qe kuptojn
japonia ka problem me fen,krejt gjrat ecin mir
por me krijusin ZOTIN si kan punet mirr
besojn statujave qe kan ndertua vet ose qe kan ndertua baballaret e tire

arbri1994 prej 11.04.11 2:01

patrolla shkruajti:jo fikrro nuk ashte paralajmerim
kjo asht lajmerim se jena te lajmeruar
se mund edhe neve t na godas kjo gje
kto jan shembull per boten dhe njerzit qe kuptojn
japonia ka problem me fen,krejt gjrat ecin mir
por me krijusin ZOTIN si kan punet mirr
besojn statujave qe kan ndertua vet ose qe kan ndertua baballaret e tire

mENDOJ se ke plotesisht te drejt !

**Fikrro** prej 11.04.11 12:17

Tjetër tërmet në Japoni, alarm për cunami

Japoni,11 prill 2011 – Një tërmet me magnitudë 7.1 ballë i shkallës Richter ka goditur sërish Japoninë. Autoritetet kanë dhënë alarm për cunami me dallgë që mund të shkojnë deri në 1 metër në prefekturën e Ibaraki dhe gjysmë metri në atë të Fukushimës dhe Chiba. Punonjësit e centralit të Fukushimës janë evakuuar.

Ende nuk dihet nëse ka të dëmtuar apo dëme materiale nga lëkundjet.

Ky tërmet vjen një muaj pas atij të 11 marsit që shkatërroi pjesën verilindore të Japonisë duke shkaktuar mijëra të vdekur dhe dëmtimin e impiantit bërthamor të Fukushimës.

A eshte kjo paralajmerim Apokalipsi