Zbulohet lloji i njeriut të para 40 mijë vjetëve

Zbulohet lloji i njeriut të para 40 mijë vjetëve

Zbulimi i një lloji të lashtë të paraardhësve të njeriut të sotëm, po i fut ndoshta studiuesit e evolucionit në rrugën e rishkrimit të historisë së racës njerëzore, transmeton njoftimin e agjencive të huaja NOA. Bëhet fjalë për një lloj i cili është konstatuar se ka jetuar 40 mijë vjet më parë në zonat e Siberisë dhe që dallohet nga paraardhësit tanë të drejtpërdrejtë, që njohim deri tani.

E nëse përfundimi i studimeve të kësaj mostre del si i vërtetë, atëherë është e drejtë që të rishkruhet teoria e evolucionit. Sipas Johannes Krause, i Institutit Max Planck për Antropologji në Lajpcig, bëhet fjalë për pjesët e veçanta të eshtrave të një trupi të gjetur më 2008 në Denisova, shpellë 6 km nga fshati Cherny Anui në Siberi, afër Mongolisë, i cili duket se ishte ndryshe nga Homo Sappiens që njohim deri tani.